愛你就等於唔會害你？咪天真啦，依家嘅愛情不但脆弱，仲好虛偽，我愛你同時可以愛好多個囉！唔一定係男人先咁衰格，女人都可以係咁，小說《Kinky Sex Makes the World Go 'Round：A Woman's Kinky Journey Into Her Sexuality》就完全寫出當今女人嘅愛情觀喇！雖然係小說，所有情節都係虛構，但係證明咗女人處理愛情都可以好混亂，床上更係好淫亂。故事講述Lydia由20歲到40歲嘅愛情生活，廿年前Lydia有一個感情穩定嘅男友，滿以為可以結婚生仔，白頭到老，殊不知淫根未淨，每次遇到心儀男士，內心都泛起偷食念頭，最終不論係主動還是被動，阿妹都係食咗先算，往後日子Lydia視偷食為正餐，每有衝動就瞞住男友出外搵食。婚後Lydia一樣冇停止偷食，佢對閨蜜回想起過去嘅性高潮，依然毫不羞恥表示從未後悔，如果可以再做一次，佢會更熱情放膽去做。咁老公呢？Lydia答好愛老公，但對方冇發現就即係冇傷害佢喎！