每年1月18日係日本嘅「振袖火事之日」，究竟乜嘢叫做「振袖火事」呢？原來佢係一種和服款式，專門畀未婚女性穿着。既然係咁，佢又點解會同日本風俗業扯上關係呢？依家一齊嚟睇睇啦！
喺解釋乜嘢叫做「振袖火事之日」前，先講吓乜嘢叫做振袖。振袖（ふりそで）其實係未婚女性所穿着嘅和服，特色係有色彩艷麗嘅圖案同花紋，並根據袖長分為大、中及小振袖。據稱古時日本嘅未婚女性會通過甩動衣袖嘅動作嚟跟心儀男性示愛，因此獲得「振袖」之名，至今仍係未婚女性參與成人禮或宴會上最正規嘅服裝。正因為限於未婚女性穿着關係，所以被日本風俗店睇中作為風俗孃嘅制服款式。
講番「振袖火事之日」嘅由來，其實呢日又叫「振袖大火」或「明曆大火」。喺日本明曆3年正月18日（1657年3月2日）於江戶（即今日嘅東京）發生，與倫敦大火及羅馬大火並稱世界三大火災。當時本妙寺正舉行本鄉元町麴屋吉兵衞
16歲女兒嘅葬禮，點知火化身穿紫色振袖壽衣嘅遺體時，因風勢太大將火種吹至本妙寺前庭並燃燒起嚟。呢場火足足燒咗兩日終於撲滅，結果共燒毀500多家大名宅邸、700多家旗本宅邸、不計其數嘅武士宅邸、300多座寺廟及400多個市鎮，死亡人數超過10萬7千人以上，因此每年西曆1月18日便定為「振袖火事之日」。
振袖之所以會同風俗業扯上關係，便要從吉原遊廓講起。自從德川家康於天正18年（1590年）喺江戶設立幕府後，江戶城吸引來自各地男性勞動力而導致男女比例失衡，於是遊廓便應運而生。元和3年（公元1617年）時幕府規定，遊廓中嘅遊女（風俗孃嘅前身）要衣着樸素。不過自從發生「振袖大火」後，經重建後嘅吉原遊廓規矩變得寬鬆，亦因當時嘅遊女按年齡及經驗分為多個等級，其中年輕並新入行嘅花魁（即遊女中最高級嘅一種）稱為「振袖新造」，為咗顯示身份，佢哋會穿着振袖侍客，從此振袖便成為風俗業嘅特色服裝。
自從振袖成為風俗業其中一種服裝後，慢慢形成自己一套風格，而被稱為「花魁風之振袖」。同傳統振袖嘅分別，在於「花魁風之振袖」雖然跟一般振袖同樣會選用艷麗嘅顏色及圖案，但係款式設計相對傳統振袖嚟講，為咗凸顯風俗孃嘅身材而變得暴露一啲，而最明顯嘅地方就係領口會開得較闊同低，部分裙襬更會露出大髀，至於花紋及圖案嘅用色同設計上亦顯得更加華麗。至於價錢方面，振袖本身價錢已經唔平，手工同款式比較好兼有品牌嘅振袖售價超過200,000日圓（約14,000港元），至於吉原遊廓時期所穿着嘅「花魁風之振袖」則更加昂貴，相反現時日本風俗店嘅振袖，都屬質量麻麻嘅平價貨。
雖然今日嘅日本風俗業以振袖嚟區分風俗孃級別嘅做法已經唔存在，但為咗滿足玩家對昔日遊廓嘅回憶，現時仍有少數以振袖為主題嘅風俗店，好似位於東京五反田就有間名為「櫻花爛漫」嘅風俗店，被鍾意回味昔日遊廓風味嘅玩家評為CP值最高嘅風俗店，理由在於店內有過百款振袖可供選擇，雖然店內嘅振袖未必係正宗款式，但係風俗店稱佢哋已經盡量挑選花魁風振袖嘅款式以滿足玩家需要。當玩家挑選完心水風俗孃後，便可揀選心水振袖款式，然後讓風俗孃穿着。此外，風俗店將每個星期四定為「爛漫祭」，玩家喺呢日入店幫襯嘅話，不但可以優惠價玩樂，仲可以無限揀選多套振袖添，好抵玩！
撰文：魂