浪漫嘅愛情情慾小說固然好睇，但係有時會嫌佢少咗啲瘋狂味道。嚟自台灣嘅情慾小說女作家逢時，其著作《專屬療裎》就展現出一段令人印象深刻嘅瘋狂情慾故事。講述男主角季仲軒係一位著名律師，喺法庭上從未敗訴嘅佢，原來有段難忘嘅過去，曾被一位叫鄧海欣嘅女人傷害，不過佢一直冇諗過報復。鄧海欣係一位心理醫生，對愛情從來冇期望，唔相信有值得依靠嘅男人，同時亦唔相信有男人可以打破到佢嘅心理圍牆。有一日，季仲軒因為受到長期工作壓力，於是去睇心理醫生，估唔到竟然重遇鄧海欣，而最令佢自己估唔到嘅係呢次重遇，竟然勾起自己從未有過嘅報復心理。面對冰冷面容嘅季仲軒，海欣起初覺得恐懼，同時掀起佢昔日嘅回憶。面對表現得愈嚟愈瘋狂嘅季仲軒，海欣竟然萌起一個念頭，就係透過極限治療令對方陷入情慾深淵。面對欲拒還迎嘅表現，季仲軒嘅仇火變得愈嚟愈猛烈，於是海欣拎起支墨水筆，喺對方胸上簽上自己個名，然後滿意咁話：「你是我的了。」至於兩人關係最後係點，就要買本書睇喇！