日本AV女優引退可以話係一件令AV迷傷感嘅事情，不過唔少女優都會喺引退之後保持更新社交網，等大家都可以繼續留意到自己嘅消息及最新動向，同時作為一個渠道同粉絲交流，好似一代癡女櫻井步喺引退之後就頻頻更新社交網。就算唔更新，都好少會將社交網狠心刪除，但係最近卻發生唔尋常刪除社交網事件，女主角就係曾經叱咤風雲嘅小淫娃上原亞衣以及巨乳美人兒桃瀨友梨奈喇！
近日有網民發現佢哋兩人嘅社交網突然遭神秘刪除，可以話渣都冇得剩。雖然佢哋嘅社交網已經好耐冇更新，但係刪除咗就令一心想回味二人舊相片嘅網民撲空，呢件事亦令人有唔少猜測，有人表示二人咁做好可能係想完完全全咁同AV界脫離關係，復出機會非常之微。有人亦補充話，日本有關當局將於今年4月實施新規例，規定銷售方唔可以再販賣5年前嘅AV作品，目的係幫助已經引退嘅女優重獲新生，加強對女性權益嘅保護，可能就係咁令引退咗嘅女優將社交網刪除，等到AV作品唔再流通市面就可以正正式式過正常生活，估計未來可能仲會有更多女優咁做添！
撰文：賢