男人想要嘅峰有好多，例如事業上一個又一個嘅高峰、身邊嘅女伴有一對巨峰等。而今次就為大家帶嚟一啲與峰同Peak有關嘅情色俚語以及AV代表人物，等大家了解到此峰可愛又過癮之處。
男人都愛雙子峰，只係心水清嘅巴打，都知道所講嘅雙子峰並非指山峰，而係指一對激凸巨乳。而雙子峰嘅英文係「Twin Peaks」，如果單用「Peaks」嘅話，則係籠統地指乳房，所以話語言呢樣嘢有時真係共通（口架）！至於情色俚語中，「Peaking」又係乜嘢意思呢？而呢個詞語經常出現喺成人電影或四仔嘅對白當中。「Peaking」原本嘅意思係指喺任何活動中，去到情緒最高漲一刻嘅感覺，即係High到爆。由於男士喺性愛中最激動嘅一刻，莫過於發射時刻，而女士則喺性愛高潮時，好似登上極樂頂峰關係，故此喺成人電影或四仔中，男女演員就會講「Peaking」嚟表達已經到達極樂嘅頂峰。例句：OMG, darling, I'm peaking!（我的天啊，親愛的，我高潮了！）
翻查英文辭典嘅話，「Peak Load」解做高峰負荷嘅意思，不過喺情色字典入面，「Peak Load」嘅意思係指男士喺高潮時發射出大量精華素，亦即係暗示呢場性事令佢相當興奮同回味。不過話說回來，男士一生人中嘅精華儲備量究竟有幾多呢？據調查顯示，從青春期開始遺精到老死為止，男士一生大約可以發射約5,350次，而不論谷咗3個月，定係每日都進行發射活動，每次發射嘅正常量約2至5毫升。如果將男士年長後精華量會下降呢點考慮埋嘅話，咁男士一生人嘅精華儲備量，用計算公式表示出嚟嘅話，就係3毫升乘以5,350次，結果就係16.05公升！簡單嚟講，男士一生人可以發射到嘅精華，大約係8支多啲嘅2公升汽水咁多，當然呢個數目只作參考啦！
喺唔少人眼中，一啲讀唔成書或者貪錢嘅囡囡先至會做脫星，否則邊會有人願意犧牲色相呢？呢個世界就係咁奇怪，皆因有人真係為咗演出四仔而放棄高薪厚職，佢就係喺1981年7月26日於美國加州出生嘅Anna Bell Peaks，三圍32G-25-32，喺2015年以34歲之齡進軍四仔界，當時佢憑住迷人樣貌及火辣身材吸引四仔迷嘅眼球，每次推出四仔都成功登上銷量榜10大位置，更先後喺2016年及2017年兩屆AVN頒獎禮中，獲得最佳個人性愛演出及最佳女配角嘅提名。近年Anna Bell Peaks嘅代表作一定係惡搞四仔《Suicide Squad XXX》，片中佢飾演Killer Frost，喺上年嘅AVN及XCRO兩個四仔頒獎禮上，分別獲得最佳惡搞作品及年度最佳四仔兩個大獎。話說回來，呢位喺美國四仔界極具影響力嘅脫星，喺入行前原來係位執業會計師，擁有會計碩士學位，並且喺一間著名嘅會計師樓工作。如此高薪厚職兼高學歷，點解會突然轉行做脫星呢？據Anna解釋踏入30歲後，某日突然醒覺自己以前好似一條書蟲，因此覺得係時候要改變一下，於是加入四仔界展開脫星生涯。
講到同峰有關嘅日本AV界代表人物，梗係不得不提擁有37H上圍嘅爆乳級尤物峰奈由果啦！話說喺佢投身AV行列之前，以藝名稻垣那祐佳及第11期藝員身份喺綜藝節目《戀愛的庸人自擾》登場，因此喺2005年演出由宇宙企劃製作嘅AV處女作《戀愛的性愛自擾》時，廠方便將佢冠以藝能人之名進行宣傳，藝能人加上勁爆身材呢兩個賣點，令佢好快喺AV界跑出。翌年佢被AV片廠Moodyz羅致成為專屬女優，喺作品《初突破》中，首次以打真軍演出，及後喺「Moodyz大感謝祭2006」中，獲得「最優秀女優獎」第4位佳績。隨住體力下降及無心工作，喺2009年1月推出作品《超絕品Body 引退Special》後便正式引退。有趣嘅係，峰奈由果引退之後冇走去風俗店客串，而係轉行做漫畫家，喺2011年11月推出首本漫畫單行本《大約30歲小姐》，原來曾經修讀美術嘅佢，畫漫畫有一手，期間佢以「一本限定」推出《美麗的女同志 共同愛的理由》，但自此以後佢再無演出任何AV作品，繼續以漫畫家身份活躍於漫畫及成人漫畫界至今。
撰文：魂