所謂「情深深，性濛濛」最浪漫，係因為有啲嘢唔好寫到咁白，留番啲幻想空間畀讀者，咁先引人入「性」嘛！《Virgin: Poems》就完全體現到呢種境界，但先旨聲明，呢本小說嘅英文堅深，英文水平有限的話，真係睇到你發忟，所以巴打請自量。之但係睇到性愛場面時，即使睇唔明都會的起心肝去查字典，事關作者每每寫到男女雙方準備埋牙之際，總係會用其他場合、物件等去形容當時嘅激情氣氛，但係冇耐性嘅人睇到呢啲形容會覺得嘥時間兼多餘；相反想學吓英文又想扮高深嘅巴打，就會覺得原來埋身肉搏都可以咁高壇數，所以呢本絕對係你嘅扮嘢天書。老老實實，呢個年代都唔會有人去花咁多時間去寫鹹古，正因如此，呢本小說能夠面世，你就明佢嘅價值所在！