當今寫真百花齊放，要大波有大波、上山下海拍攝、大棚女齊齊晒波比比皆是，再者囡囡又潮又索，要你真金白銀買本你都未出世嘅經典寫真集，你一定唔肯！之但係陳年寫真更加有價值欣賞，因為佢提升到藝術層面，好似呢本《Photographia Erotica Historica》係一本黑色皮革製作迷你寫真集，金色浮雕分外尊貴，全書超過380頁，內容充滿世紀交錯，係一本獨特色情收藏藝術好書。係咪講到呢本鹹書好神聖呢？簡單講就係緬懷過去，睇吓當年嘅「無修正」寫真，唔係攝影師有幾威幾架勢，亦唔關相中嘅模特兒有幾正爆，純粹係今時今日再難以搵到一本全黑白、零執相、自然流露隨意拍嘅寫真。當年嘅寫真原來可以唔露點，但若然放喺今日，分分鐘會成為「粟米石斑飯」冇石斑事件！老實講，呢本寫真最適合一類懶有品味嘅鹹蟲收藏。