《許諾柔情》係女性情慾小說家Jude Deveraux所寫嘅《蒙哥馬利家族》系列其中一本作品，故事圍繞英格蘭城堡蒙哥馬利家族四兄弟中嘅支柱蓋文，及貴族少女茱蒂思之間發生。生於貴族嘅茱蒂思自幼便依循貴族子女嘅教育方式成長，滿心以為未來可以成為擁有權力嘅貴族一員嘅佢，成長後卻被安排嫁畀另一貴族青年蓋文，命運本已無奈，點知喺婚禮一刻蓋文竟表明永遠唔會愛上佢，對此茱蒂思暗中發誓以後一定要擁有屬於自己嘅生活同愛情。蓋文點解會拒絕茱蒂思呢？原來作為家族未來支柱嘅佢，一直以嚟都堅守家族地位及名譽，最重要係佢心中已有一名秘戀好耐嘅有夫之婦。為咗表明心迹，佢決定跟茱蒂思保持距離，只係隨住時間嘅推移，佢發覺自己慢慢地被對方吸引，究竟兩人嘅關係最終會發展成點呢？