剛剛踏入2018年，日本AV界就傳出一單令AV迷為之又喜又悲嘅消息！就係前AV女優，被廣大AV迷視為終極女神嘅蒼井空宣布結婚了！喺1月1日晚上，蒼井空透過微博、博客等網絡社交平台宣布喜訊，仲上載戴上婚戒嘅照片！有趣嘅係，空姐發表呢個喜訊嘅時候，時間剛剛好係晚上11點11分，有人話空姐咁做有可能特意想同各位光棍們說再見，叫佢哋唔好再對佢有任何幻想，難怪網民收到呢個消息後都悲從中來，好似睇住自己嘅前女友嫁人一樣！
蒼井空除咗騷出自己嘅婚戒，隨後仲上載咗幾張佢同老公DJ NON嘅合照，相中二人把酒言歡，幸福甜蜜感覺滿瀉，但係一眾AV迷就睇到酸溜溜！另外，空姐亦發布以中文、英文同日文寫成嘅結婚宣言，更表示老公DJ NON雖然冇錢又唔靚仔，但最重要係對方接受佢曾經係半點朱唇萬男嘗嘅AV女優，空姐仲話希望快啲誕下愛情結晶品添！宣言末段，空姐特別地表示雖然已經做咗人妻，但係佢依然係愛大家嘅蒼井空，希望大家繼續多多關照。嗚嗚嗚！原來空姐嘅擇偶條件唔使靚仔又唔使有錢，咁咪即係廣大AV迷都達標啦！點解唔早啲講呀！
撰文：賢