由美國情慾作家Alice Clayton著作嘅《壁咚誘惑》，故事講述女室內設計師卡洛琳搬入位於三藩市嘅公寓，以為從此展開新生活，卻被鄰居破壞咗一切。鄰居賽門係一位世界頂尖嘅男攝影師，佢嘅足迹遍布全球，同時拍下唔少著名攝影作品，但係呢位知名攝影師卻係卡洛琳嘅噩夢，事關每晚夜深時分賽門家中都會傳出誇張叫床聲同埋激烈嘅碰撞聲，令卡洛琳安寧嘅生活被滋擾。有一晚，卡洛琳敲賽門嘅家門並投訴，點知原來兩人都有相同嘅朋友圈，而為免呢件事張揚，於是便簽下「停戰協定」。兩人關係稍為好轉後，卡洛琳對賽門嘅私生活感到好奇，而賽門亦向卡洛琳透露自己之所以夜夜換女伴嘅原因，因對寂寞有恐懼，而卡洛琳亦每晚夢見賽門，並且喺夢中跟對方做愛，當佢醒來之後便明白到，自己已經陷入不能自拔嘅情感之中。