有個福仔，老襯當旺，揸住兩舊水入馬場，矇查查買馬，連中兩場之後，袋中有五六百，諗住今年公司唔好景，老闆已經放聲氣，話雙糧要拖住，將來生意好轉就隨時補發，即係宣布冇咗雙糧，心諗是日既是財神到，不如博到盡為止，尾場買咗一舊水單Q，果然扑到應，收足五千，十隻大牛。
散場，搵間酒樓，點兩個菜兼碗仔翅，歎番杯，然後去架步，搵個相熟小姐阿燕。
是晚，架步靜悄悄，冇乜客，阿燕見福仔來到，有多少酒意，曰：「今晚要埋雙鐘至得，因為冇乜生意。」
福仔曰：「得，點話點好。」
阿燕見佢應得咁爽，知道袋中必定有水，笑曰：「出咗雙糧？是否今晚疊水得好交關？」
福仔曰：「唔算交關，不過多兩文錢在袋耳，我同你咁老友，過年在即，都要益吓你啫。」取出大牛一疊，曰：「送牛畀你。」
阿燕大喜，攬住佢錫咗兩啖，當然更加好服侍，但見佢咁疊水，眼見心謀，曰：「打令，我有個妺妹嚟咗，介紹畀你歎埋佢好唔好？」
福仔曰：「點解？佢又來做小姐？」
阿燕曰：「唔係，我個妹話，公司開聖誕舞會，大家都要買一件禮物，來問我攞錢，今晚你對我咁好，我有個靚妹，所以介紹埋畀你而已。」
福仔意動，阿燕曰：「人一世物一世，我個妹後生兼嫩口，風味唔同也。」
福仔曰：「是否處女？」
阿燕曰：「呢層唔知，你試過自然知道，一陣熄咗燈，我帶細妹入來。」
福仔曰：「好啦，既然係你細妹，即係我姨仔，我歎埋又點話。」
於是，阿燕熄燈，帶一個少女入來，送抱投懷，漁郎初渡之際，細妹作出嬌弱不勝之態，福仔大喜，事後，又畀一隻大牛，原來呢個新來做嘅小姐，阿燕夾硬認做細妹，呃多福仔一隻大牛而己，不過福仔贏返來之風流錢，亦冇計。
現在世界不景，歡場中人的生意亦淡。既然有財神送上門，阿燕亦不妨帶挈吓姊妹，同撈同煲冇計！
一九七四年十二月二十六日
文中嘅「馬場」係指跑馬地馬場。原來沙田馬場喺1978年10月7日先至落成啟用，因此佢係指跑馬地馬場。跑馬地馬場，俗稱快活谷馬場，而佢前身係片沼澤。1840年代初英軍將沼澤填平並建軍營，其後軍隊搬走，港府便喺平地上起咗條賽馬跑道，並喺1844年12月舉行首次賽馬活動。1931年時因應需要，馬場起咗兩座3層高嘅永久看台。