近期鹹到起晒朵嘅漫畫《Sunstone Book》，故事分上下集，上集喺舊年年初已出街，反應極好，最近食住個勢推出《Sunstone Book Two》，係咪會見好即收就未知，但睇嚟巴打好欣賞來自克羅地亞插畫家Stjepan Sejic嘅畫風。唔係啩？封面連女都冇個，有乜咁吸引呀？鹹濕都可以講層次，呢本漫畫同Stjepan Sejic一樣鍾意玩低調，打開漫畫先發現愈睇愈正！故事講述女主角因想忘記失戀之痛，於是去咗BDSM愉虐私竇尋開心，令佢又驚又喜，內心蠢蠢欲動，最終決定一試，以為唔啱Feel隨時走頭，點知玩到中途發覺不能自拔，更戀上癡女愉虐教官添！古仔雖然老土，但畫風富有藝術感，對比日本超重口味着重官能刺激嘅成漫，似乎嚟得更真實！