SP大賞明年上演 辣萌妹四出宣傳

性感水着Look

Sky PerfecTV成人放送大賞（下簡稱SP大賞）為日本AV界三大頒獎典禮之一，自2005年舉辦第一屆開始，至今已經辦咗十多年，被喻為日本AV界最具公信力以及最具聲勢嘅頒獎禮。近年隨住日本AV界愈來愈受重視，亦因為咁AV OPEN相隔多年之後再次舉辦，另外亦有DMM成人大獎，由於呢兩個頒獎禮都有大集團支持，令SP大賞相對地失色，之不過受關注度卻相當高。最近SP大賞決定再次啟動，鐵定於明年3月1日晚上舉行，頒發女優獎、新人女優獎以及熟女女優獎等獎項。根據傳統大會都會搵上屆女優獎得主四出做宣傳，今次亦唔例外，人氣同實力都頂晒班嘅辣妹AIKA作為上屆女優獎得主，早前佢就去到各大傳媒嘅辦公室宣布SP大賞即將上演嘅重要消息以及獎項嘅入圍名單，AIKA仲即刻除咗外套，以一身性感水着Look同班傳媒人員合照，令人士氣大振！

古怪入圍名單

SP大賞主要包括三個大獎，就係女優獎、新人女優獎以及熟女獎，至於作品獎以及其他傳媒獎一向都屬於豬肉獎，有機會至再同大家講兩句喇。至於入圍名單方面就有少少古怪，先講女優獎，包括有蓮實Kurea、天使萌、市川雅美、美咲佳奈、波木遙以及南梨央奈，老實講，蓮實Kurea喺過去一年演出相當落力，表現如狼虎般勇猛，小弟認為佢得獎機會甚高，而美咲佳奈、波木遙以及南梨央奈表現就唔見突出，而且知名度偏低，相信係基於三人經常與主辦單位Sky PerfecTV合作，因關係密切取得入圍機會。新人女優獎入圍名單有赤根葵、榮川乃亞、榎本美咲以及五十嵐星蘭，相信當中得榮川乃亞廣為AV迷所熟悉。而熟女獎入圍名單有KAORI、真木今日子、彩奈里奈、花咲一杏，當中只有KAORI年過30歲，亦只有佢係正式嘅熟女系女優，小弟對於其餘三位女優入圍真係百思不得其解！

每日投一票

講完各獎項嘅入圍名單之後，咁就當然要講埋投票方法啦！今次一如以往公開畀AV迷參與其中，由即日起至2018年1月31日Click入官網就可以投票畀心水女優喇！由於今次採取新投票計算方式，所以主辦單位除咗搵來上屆女優獎得主AIKA四出宣傳之外，亦特別搵來上屆成功擊敗人氣王三上悠亞嘅新人獎得主桃乃木香奈向各界講解一番！大家依然能夠如上屆一樣，每日都可以投一票，直至截止日期，但係要先登記成為Sky PerfecTV嘅用戶，至於曾經透過網站購買一次指定嘅AV頻道的話，該用戶每投一次票就會換算成為10票！香港巴打就冇辦法買到日本成人頻道，都係乖乖地每日投一票算喇！

網址：https://adult-awards.com/nominate_2018/

撰文：賢