專門以氣質時尚美人作為拍片主力嘅AV廠Ideapocket，近期搵來唔少優質女優坐鎮，而廠中亦有一位老將在席，就係精靈可愛又好波嘅天海翼喇！喺2009年出道嘅天海翼，一直都係效力I廠，與希崎謝茜嘉、希美麻由、希志愛奈組成嘅「希軍團」、一等一猛將Rio、初音美野里可以話幫廠方打下一片重要江山。不過，自從上述多位女優或轉廠他投，或宣告引退後，現時廠方只係得番天海翼同希美麻由帶領一眾新女優。天海翼雖然係老將，但係一直都樂於作新嘗試，今年更加嚟個連環解禁，呢頭玩SM繩綁，嗰頭又嚟中出表演AV迷當然好歡喜啦，但係就已經意識到翼妹正係步向女優路途嘅黃昏，臨尾為大家豁出去！最近天海翼引退嘅消息更甚囂塵上，一個出版商透露天海翼將會推出引退寫真集，用以紀念阿妹明年5月退出寫真界，睇嚟翼妹好快就會正式同大家講拜拜喇！