有人話迷人係一種內心感受，其實佢更係一種視覺上嘅享受，若然單純講內心嘅話，裸體女性咪好唔迷人？嗱，唔好話膚淺，大家睇吓日本有對1,200D嘅黑絲襪，雖然佢有相當厚度，但卻營造出視覺上嘅美腿魅力，係咪好迷人先？
雖然唔係每位男士都對黑絲襪有興趣，但可以肯定嘅係佢的確可以增添女性美腿嘅魅力。不過喺天氣凍嘅日子，穿着單薄嘅絲襪唔夠暖，但係着對厚襪又會令雙腿冇晒線條唔靚。有見及此，日本有女性時裝品牌推出高達1,200D嘅絲襪，既具保暖效果，同時唔會令美腿魅力大減。D即係Denier，中文叫丹數，指絲襪嘅厚度同彈性，數字愈低愈薄，數字愈高則愈厚愈緊，一般坊間嘅絲襪去到200D已經係相當高，同埋因為太緊難以穿着。為咗滿足貪靚嘅女士，同埋男士嘅視覺享受，呢款1,200D絲襪便可以解決透視感同彈性嘅問題，雖然佢有相當厚度，但係絲襪嘅內層以皮膚顏色嘅線材織成，望落去予人一種透膚效果，從而展現出美腿嘅魅力，而且充滿彈性，穿着方便。有試過呢對絲襪嘅日本女網友稱，最欣賞佢不失美觀之餘，同時極之保暖，售價2,200日圓（約154港元），唔算太貴，女士們不考慮一下。
日本大部分成人漫畫家都好低調，唔想畀人知道佢哋嘅真正身份，不過凡事總有例外，佢就係早前推出首本成人漫畫作品嘅虎助遙人。佢自細夢想成為漫畫家，2009年於代代木動畫學院東京校動畫師系畢業後，便展開同人漫畫及動畫創作嘅生涯。雖然佢要死慳死抵自資出同人漫畫，可幸嘅係佢得到屋企人嘅支持，終於捱到今年推出首本成人漫畫單行本《Happines Sex》。經過多年努力終於捱出頭嘅佢，興奮到日日走勻東京各間漫畫店，跟自己嘅作品自拍並放上網同大家分享，而最令佢感到意外，係父母竟然喺屋企幫佢舉辦出版紀念宴會，呢件事引嚟日本網民哄動，紛紛激讚虎助遙人嘅父母相當開明，一啲都唔介意個仔係成人漫畫家，同時替佢得到屋企人支持而高興，令虎助遙人相當感動！
雖然性愛體位有好多種，但係綜合各個調查得出結果，卻顯示男士們玩來玩去都係嗰幾個動作，包括男上女下、推車仔、騎牛牛等。最近美國有個關於5個全球女性最討厭性愛體位嘅調查，結果上述3種體位都榜上有名。呢個由美國女性健康網站Women's Health進行嘅調查，訪問超過1,200名全球各地嘅女士，結果發現推車仔名列最討厭榜首。據受訪女士表示，雖然經常玩推車仔，但唔代表鍾意，事關佢哋覺得呢個體位缺乏同伴侶膚貼膚嘅親密感，同時一啲都唔覺得享受。第2位及第3位分別係騎牛牛同背向騎牛牛，受訪女士不約而同認為佢哋喺過程中不但感受唔到高潮，而且好難掌握角度，反而會擔心男伴受傷而降低性慾。第4位係男上女下，佢哋認為若然男伴兵器唔夠長嘅話，呢招會令佢哋缺乏感覺，同埋呢招要承受男士體重而感到辛苦。第5位則係互相口作，不但令佢哋唔能夠專注於個人感受，更覺得缺乏親密感。睇嚟男士要喺床上取悅女性，要花多少少心思喇！
撰文：魂