日本成人漫畫家同作品有咁多，想成功吸引大家嘅注意已經好難，仲要成為當中嘅人氣之選就更加難。而日本女成漫家宵野小太郎憑住出色嘅畫功，加上有趣嘅純愛喜劇內容，成功彈起，作品《發情寶貝》更係其代表作。
宵野小太郎呢個筆名好男性化，因此唔少成漫迷得悉佢係女性時，感到相當意外，據講佢用呢個筆名係因為覺得有型。憑住出色畫功同劇力而成名嘅佢，並非一朝一夕就能夠練出高超畫技，原來佢自細夢想成為漫畫家，一直不斷苦練，最初繪畫少女漫畫，隨住年紀漸大，轉為創作愛情漫畫，及至成年後專攻成人題材。佢表示最難畫嘅並唔係情慾場面，而係女主角嘅胸部，因為經常分唔到左右而令巨乳變形，因此佢會先用手機自拍自己嘅裸體同甫士，然後跟住照片嚟繪畫。隨住人氣不斷提升，2010年喺《Comic快樂天》發表作品，之後佢便以此作為發表作品嘅重要基地。
翌年佢推出處女作《親吻Lip!》，不但奠定佢喺成漫界嘅地位，同時令更多成漫迷認識佢嘅名字，而接住登場嘅第2本單行本《發情寶貝》更係大受歡迎，同時獲得極佳評價，被視為小太郎嘅代表作。後來佢嘅人氣登上高峰，事關佢憑住成人四格漫畫《色情男女》紅遍日本網絡。近年佢亦有參與成人動畫嘅創作工作，絕對係位能力極強嘅女成人漫畫家。
至於《發情寶貝》收錄嘅作品，包括有《男人•啪啪啪》、《誘惑學園》、《誘發三角形》、《誘情旅行》、《Private Lesson》、《Lovely Face》、《Secret Voice》、《午夜的遊戲派對》、《強力噴射！》、《思春期雙胞胎》、《Sweets ☆ Cooking》、《弄污你的廁所！》及《喝醉的大沢小姐》等合共13個故事，而當中嘅《Sweets ☆ Cooking》同《喝醉的大沢小姐》等最值得欣賞。
《Sweets ☆ Cooking》講述男主角山下報名去學習廚藝，點知佢發現廚藝教室嘅學員，只有佢一名男生之外，女導師紀天優子更係身材火辣嘅美熟女，而最令山下流晒口水嘅係優子衣着性感，令佢邪念大爆發。有一日，山下如常去到教室，衣着暴露嘅優子就同佢講，其他所有學員都缺席上堂，而孤男寡女共處一室加上優子嘅挑逗下，山下終於按捺不住同優子激戰起嚟。完事後，優子竟然叫山下以後唔好再嚟上堂，唔通佢想飛咗山下？
《喝醉的大沢小姐》中嘅女主角大沢係唔少男同事心目中嘅女神，只係佢心裏有個秘密，原來佢暗戀一眾女同事心中男神大田環好耐。某日公司安排以兩人一組嘅方式出差，大沢正好被編到跟大田環一組，卻因此引起女同事嘅不滿，其中一位女同事暗中向大田環爆料，稱大沢經常借醉跟男同事上床。原來大田環暗戀咗大沢好耐，於是佢相約大沢去酒吧，將大沢灌醉後便去情侶酒店開房，事後兩人嘅關係得到昇華。
書名：《發情寶貝》
作者：宵野小太郎
出版：Wani Magazine
頁數：208頁
撰文：魂