Angela White、Julia Ann及Sydney Leathers都係四仔脫星，大家認為佢哋係用真名定藝名呢？早前AVN網絡雜誌搵咗四位現役爆紅脫星談及脫星改藝名好壞，題為「Is That Your REAL Name?」。坦白講，業界都覺得脫星改藝名對個人較有保障，始終真實生活應該同荒淫工作保持一定距離，避免不必要麻煩。但你又點估得到，喺脫星界打滾10多年嘅Julia Ann原來一直用真名拍四仔，佢仲話從來無後悔過用真名行走江湖，反而覺得Julia Ann呢個名簡單易記又親切，四仔迷非常受落，但係佢同時強調，脫星改藝名無可厚非，即使你唔改，經理人都會主動幫你改，目的係保護脫星。可惜呢個保護只限於互聯網未出現世代，Julia Ann話今日網民嘅起底能力強，即使有幾多個名、真實年齡、婚姻狀況、過去有幾多個男朋友統統都起晒底，藝名嘅保障性已經失效。至於另一位喺戀物界爆紅嘅Sydney Leathers就覺得脫星改藝名有其必要性，事關一個名除咗係代號，仲要令人產生好多性幻想，咁就為之成功喇！