5大軟體女優 花式多變

正常位好悶

前AV女優，現為官能小說作家嘅小泉梨花早前搵來145名成年女性協助調查，睇吓佢哋最鍾意用邊幾個體位，結果發現頭三個常用體位係正常位、後進式同騎乘位。至於最鍾意喺床戰當中換幾多次體位呢？結果最多人認為一次床戰換三次體位為最理想。另外，調查同時透露最多女仔鍾意男方用正常位作結尾。從調查結果睇得出，大部分都鍾意正常位，但係實在太悶喇！男士們可能會好無奈咁話：「悶都冇計！你估有咁多女仔肯同你玩咁多體位咩？」咁又係，而且新奇又高難度嘅體位對於初哥有一定危險性，真係千祈唔好亂試！既然係咁，我哋就將高難度體位交畀日本AV界一眾軟體女優示範啦！

好動換不停 日菜菜彩音

年齡：21歲

身高：5呎1吋

三圍：34F-23-34

絕技：拱橋正常位

簡評：日菜菜彩音青春可人，獲AV大廠S1大讚外形整潔又極具透明感，身材婀娜誘人。雖然唔少AV迷都表示畀阿妹隻處女作嘅封面呃咗，睇佢演出至發現真人同封面個樣差一大截！之不過，日菜菜彩音嘅精彩演出足以令AV迷平息怒火，一來阿妹敏感度高，上床反應肉緊又容易爆發潮吹，二來佢活潑好動，同男優激戰時不斷轉換體位，最正係表演正常位嘅時候往往因為難抵快感衝擊而做出拱橋姿勢！

泉水大放送 君戶步實

年齡：23歲

身高：5呎

三圍：32D-23-32

絕技：勾魂一字馬

簡評：雖然君戶步實唔算係一位人氣高企嘅AV女優，但係論實力以及演出上所花嘅努力就一定可以名列前茅！君戶步實6歲開始練習體操，長大之後筋骨依然保持高度柔軟性，而步實將之活用於AV演出當中，大家可以見到佢好多時都會喺騎乘位當中表演一字馬，立定一字馬同男優交歡更係指定動作。然而，步實不論用咩體位都好，都好容易興奮到噴出大量泉水，拍得住新一代潮吹天后大槻響。

床上芭蕾舞 美織舞

年齡：23歲

身高：5呎3吋

三圍：33B-23-32

絕技：拱橋吹奏

簡評：美織舞前名叫麻宮玲，自小練習芭蕾舞，曾經參加過第37屆洛桑國際芭蕾舞比賽，亦做過芭蕾舞團舞蹈員。美織舞舞姿優美，佢經常將芭蕾舞嘅優雅舞姿帶到AV作品入面，同男優以各種高難度體位激戰時亦保持靈活特性，欣賞指數高企！對於美織舞嚟講，一字馬激戰絕對係指定動作，更值得欣賞嘅係佢做拱橋為男優吹奏，以及將雙腳抬到上頭同男優玩正常位嘅新奇刺激場面。

背越後進式 香苗玲音

年齡：19歲

身高：5呎5吋

三圍：32B-23-33

絕技：背越後進式

簡評：出身於Kawaii嘅香苗玲音被廠方稱為擁有「壓倒性之透明感」，論美貌及胴體的確誘人。而佢有一個特點，就係身材纖瘦而高挑，十足十跳高女運動員一樣！事有湊巧，撐竿跳當中有背越式跳高，香苗玲音一樣擅長使出背越後進式體位，喺床上同男優玩後進式嘅時候，往往興奮到拗晒腰，上半身仲愈拗愈後，條腰彎成香蕉形，呢個時候玲香就會同男優一邊玩後進式一邊錫錫，動作難度指數相當高！不得不提，玲香出水量驚人，好多時都要緊急分體「排洪」！

溫香軟肉 江上詩穗

年齡：24歲

身高：5呎2吋

三圍：35G-24-35

絕技：一股擎天

簡評：江上詩穗身材豐滿，甚具肉感，正常嚟計，如此身形實在唔似有做開運動，身體亦唔會柔軟得去邊，之不過江上詩穗嘅柔軟度出奇地高，原因係佢平時有做瑜伽，喺演出當中以溫香軟肉滿足到大家嘅視覺，諸如一字馬、拱橋等都可以輕鬆做到，而佢最擅長就係前半身貼住張床而屁股朝天，呢招極需要腰力同柔軟度o架！

撰文：賢