風俗孃護手好重要

護手霜日由來

護手霜嘅日文係「ハンドクリーム」，每年嘅11月10日就係日本嘅護手霜之日（ハンドクリームの日），係由日本藥廠Yuskin製藥（ユースキン製薬株式会社）喺2000年時提出。之所以揀喺呢日有兩個原因，第一係為保障大家擁有美好嘅雙手，故此又稱為「好手之日」（いい手の日），而喺日文中「い」嘅讀音係「i」，外形同「1」相似，加上兩隻手有「10」隻手指，因此當組合埋一齊就係「1-1-10」，於是便將11月10日定為「護手霜之日」；第二係因為日本喺11月10日前後嘅日子，氣溫好多時會低於攝氏10度，而濕度亦會下降，令手部皮膚變得乾燥甚至破裂，藥廠為咗提醒大家保護好雙手，於是便將「護手霜之日」定喺呢一日喇。

保持儀容

風俗孃同護手霜點解有着密不可分嘅關係呢？日本風俗業媒體「風俗業空缺的工作」（風俗求人の仕事）為此搵嚟資深風俗孃解釋箇中3個最重要原因：（1）因為風俗孃要經常服侍客人沖涼，所以手部皮膚經常喺乾同濕之間不斷循環，加上室內環境好易令皮膚嘅水分流失，而使用完情趣潤滑劑後又要洗手，唔想雙手變得又乾又皺甚至破裂流血，護手霜對風俗孃嚟講相當重要。

（2）由於喺風俗服務中，風俗孃雙手經常要同客人有身體接觸，尤其係從事手作服務嘅風俗孃，故此如果雙手又乾又「鞋」，會令客人覺得唔舒服而得失對方，若然客人見到風俗孃雙手有損傷嘅話，更會令玩樂意欲大減。

（3）護手霜原來係同儀容有關，而呢個亦係呢位資深風俗孃嘅親身經歷，佢表示曾經試過有客人同佢講，話睇佢身上嘅皮膚相當嫩滑，雙手卻粗糙到好似沙紙咁，質疑佢係咪年紀上報細數。唔想令客人產生抗拒感，就一定要從細節開始，使用護手霜絕對唔可以懶。

最愛無香味

唔少風俗孃都有自己最愛嘅護手霜，亦鍾意喺網上同一班同道姊妹分享，而講到佢哋當中最高人氣，莫過於呢款日本生產嘅無香味型「專業‧業務用護手霜」（プロ‧業務用ハンドクリーム）。而呢支護手霜本身並非作為風俗孃專用，而係畀從事飲食業、護理業、衞生工作等業務人士使用，由於保濕性強、唔黏手同價錢平，每支只不過係1,200日圓（約83港元），因此備受風俗孃歡迎，甚至有出張風俗店為風俗孃準備定一支旁身添！

當情趣潤滑劑

護手霜都可以成為風俗店嘅主題？唔通呢間風俗店將護手霜變成情趣玩具咁玩？如果咁諗嘅話，可以話係啱咗一半。事關呢間位於日本池袋嘅風俗店「Hand Cream」係一間主打手作服務嘅風俗店，換言之客人會有極多機會同風俗孃對玉手進行「交流」，因此用護手霜作為店名嘅其中一個原因，就係凸顯一班風俗孃擁有一對滑溜玉手，可以為客人提供非一般嘅快感。不過大家咪以為佢玩噱頭，皆因店內仲有一個特別玩法，就係將護手霜當成情趣潤滑劑，等玩家可以喺滑嘟嘟嘅手感下進入極樂嘅頂峰。另外，風俗店亦會提供多種香味嘅護手霜等玩家選擇，若然玩家願意，仲可以享用四手亂彈嘅玩法添！乜嘢叫做四手亂彈？大家自己意會吓喇！

撰文：魂