「真」呢個字可以有幾真？由女人製作嘅女同四仔，係咪等於有真高潮呢？相反幕後係全男班製作的話，咁脫星嘅所謂高潮又係咪假呢？作為觀眾，又係咪介意脫星做戲扮High呢？好亂呀！但其實唔係四仔迷想亂，所有嘢都係供應商出錯，好似今期VR鹹網BaDoinkVR及YanksVR嘅最新宣傳口號係「Real Women, Real Orgasms」，即係由囡囡演出之外，連監製、導演、編劇、燈光師同攝影師都係全女班，至於高潮方面，肯定欣賞完段片嘅巴絲打都分唔出真假，咁所以麻煩網站唔好再用乜真物真去吸引觀眾，其實我哋覺得好煩，甚至可以話唔介意你假，最重要係你挑逗到我快感，咁咪你收錢，我Happy囉！當然，亦有四仔迷唔介意囡囡嘅外表，咩題材都冇所謂，只要話囡囡係真心嚟到高潮，佢哋就會好High！但問題係，YanksVR由2002年成立，而BaDoinkVR亦喺2006年開台，後者上年更捧走XBIZ頒獎禮「Adult Site of the Year — Virtual Reality」大獎，屹立10年多嘅鹹網仲咁有Heart取悅觀眾，未免自眨身價囉！