近年有好多AV女優進軍樂壇，現役當中嘅三上悠亞、高橋聖子、明日花綺羅，甚至係吉澤明步等AV天后都銳意以歌手身份開拓市場，而已經引退嘅「人類最強Body」沖田杏梨更加轉型為歌手四圍登台獻唱添！除咗佢哋之外，最近有一對人氣小花聯手出擊，佢哋就係結成二人組合「乙女フラペチーノ」嘅小島麻奈美同紗倉真菜喇！
睇過兩位演出嘅AV，應該都知道佢哋可愛之餘，聲線甜美無比，演技仲相當有水準添！最近二人將組合改名為「剎那永恒花」，兼且推出最新唱片《いいビーサン》，早前佢哋去咗新宿一間唱碟舖舉行新曲發布會，喺現場嚟個精彩獻唱。另一方面，仲開設埋官方微博，希望與內地粉絲交流，兩小花表示未來將會推出普通話歌曲，睇嚟一心想向內地市場進軍，由日本赴內地登台嘅日子不遠矣。
撰文：賢