學習性自由尋找快樂源頭

情色俚語：Study Time 性愛學習

細個嗰時一聽到「Study Time」（學習時間）時，心情即刻直插落谷底，理由好簡單，邊個仔會鍾意讀書？不過當知道喺英文情色俚語中，「Study Time」有另一個意思時，先至發現原來學習都可以咁開心，皆因佢亦可以係啪啪啪嘅暗語。唔明嘅話可以舉個例子畀大家深入啲去了解吓，就係當有個朋友話你知，佢等陣要去女朋友屋企溫書，好明顯，兩個人獨處一室，你話仲溫乜嘢書呢？此外，情色俚語中嘅「Study Time」其實仲有另一個意思，就係指性愛體位中嘅狗仔式。理由係呢個動作方便女方趴喺張枱度，然後用本書嚟遮住自己，而男伴則從後進行活塞運動。由於呢個動作喺其他人眼中，好似一男一女一前一後好親密咁研究緊溫習內容嘅關係，故此有人便以「Study Time」嚟形容狗仔式呢個體位。

美國四仔系列：《Scene Study》 學拍四仔

唔少四仔迷都識點評一套四仔，但要落手落腳拍一套，四仔迷又知唔知如何入手呢？美國著名四仔片廠Vivid喺2004年5月推出嘅《Scene Study》，正正係一套將情慾激鬥，加上教授如何拍攝優質四仔嘅有趣之作。由四仔界著名怪傑導演Bo Edwards執導，並搵嚟當時超人氣脫星Savanna Samson擔綱演出，加上Shy Love、Alana Evans、Dana Vespoli等著名脫星坐鎮，單論視覺享受已經有晒保證。至於講到「教育性」方面，本嚟Bo Edwards呢個名字已經夠晒說服力，不過女主角Savanna Samson嘅實力更係不容忽視。呢位喺2000年出道，並喺2004年AVN頒獎禮中，獲得最佳四仔電影脫星同最佳群體性愛演出兩個大獎嘅脫星，除了演技有相當水準，早喺佢入行冇耐更已成立自家四仔製作公司「Savanna Samson Productions」，並跟Vivid達成合作協議，實行既演又導。另外，喺2008年淡出四仔界嘅佢，更先後擔入性愛諮詢專欄作家、電台節目主持人、政治記者、音樂製作人、芭蕾舞員，甚至推出自家紅酒品牌。喺2011年進入AVN名人堂。

玩樂辭典：Study Astronomy 暗學天文

Astronomy意思解作天文學，而從字面上嘅意思嚟睇，「Study Astronomy」應該解做學習天文學。如此純潔嘅學習，點解會喺情色字典度出現呢？原來該詞喺情慾字典中，唔係解做天文學，而暗示啪啪啪嘅意思。想理解點解學習天文會跟啪啪啪扯上關係，就要知道原來喺外國人眼中，學習天文學不時要瞓喺地上觀察天象。正因為要瞓喺地上關係，所以有人便將同樣要瞓喺度進行嘅性愛扯上關係。講到性愛體位，其實瞓喺度進行嘅男上女下體位，並非男士嘅最愛。美國女性網站Yourtango曾經做過關於男性最討厭性愛體位嘅調查，結果男上女下被調查男士認為最缺乏激情同無聊嘅體位。至於側入式則因為一邊手臂被壓，兼且活塞運動時會同床鋪產生極大摩擦力而令佢哋討厭。女上男下則令受訪男士擔心兵器有機會折斷，而龍舟掛鼓更係極耗體力而被拒絕。根據調查嘅結果嚟睇，好似狗仔式最為啱用。

日本AV系列：學富五車 佐藤琉璃

唔知AV迷仲記唔記得佐藤琉璃（佐藤るり）呢個名字呢？呢位喺1984年6月2日於日本東京出生嘅AV女優，喺2004年以AV片廠VIP專屬女優身份，喺同年11月推出AV出道作《BOMBER!!》，並憑住一對35H巨乳而成為當時頗有人氣嘅AV女優。翌年8月佢轉投AV大廠，不但人氣作眾多更出埋寫真集，不過佢喺2008年選擇引退。轉頭於2009年傳出佢以「鈴木涼美」之名，喺日本媒體《日本經濟新聞》做記者嘅消息，不過更爆嘅係，原來佢引退後竟然獲得東京大學國際情報學系博士！呢件事一傳出，即時引起大家熱議，事關一名前AV女優竟然可以成為記者兼獲得碩士學位，確係令人相當意外。經調查後發現，原來佢嘅家底本身好猛，父親係東京法政大學名譽教授，而母親則係名翻譯家，而喺佢投身AV界前，本身已係日本慶應大學環境情報系嘅學生。佢之所以演出AV係因為當時佢同一位AV星探拍拖，因此才去演出AV。據稱佢兩年AV演出已有百幾萬港元收入，後嚟因對演出冇興趣先至淡出，並重回大學修讀碩士課程。畢業後佢以真名走去做記者，2013年6月佢以自己嘅碩士論文為基礎推出著作《「AV女優」的社會學》（「AV女優」の社会学），翌年推出《出賣身體後說再見》（身体を売ったらサヨウナラ）。

撰文：魂