巨乳對男士嚟講，除咗可以用嚟睇同埋親密接觸之外，仲有乜嘢其他用途？男人未必諗到，只係日本AV女優澁谷果步就話畀大家知，巨乳有好多使用上的可能性。睇得興起想要更多刺激的話，可以去位於涉谷嘅另類主題餐廳，體驗18禁菜式嘅「味」力。
男人鍾意睇巨乳索女，但係女人卻稱巨乳會令佢哋背同腰受壓，而佢哋又表示巨乳其實冇實際嘅作用。其實巨乳係咪真係得個睇字咁簡單呢？日本AV女優澁谷果步就以行動表演畀大家睇，究竟巨乳可以有啲乜嘢用。喺講佢點示範巨乳嘅用途前，先講下佢對車頭燈有幾咁巨，37K，冇錯，係37K，斷估冇人話佢唔夠大啦！佢最近就喺個人IG上，頻頻上載各種自拍相同片，跟大家分享自己一對K罩杯巨乳究竟有乜嘢用途。若然唔係得佢示範嘅話，真係估唔到原來巨乳不但可以用嚟夾書，仲可以用嚟夾住斜孭袋條帶，夾住收音咪兼騰出兩隻手做其他嘢，夾住個烏克麗麗自彈自唱，或者夾住支牧童笛吹奏。如果覺得一味齋夾嘅話，佢話畀大家知其實可以用嚟做擺放零食嘅細餐枱，變身成飲品杯架，或者擺隻塑膠鴨仔上去玩，甚至可以用對巨乳嚟收藏魔術道具添！事實上，佢喺去年就被日本成人網絡媒體邀請，表演用對巨乳夾住毛筆寫大字。不過公道啲講句，其實巨乳嘅其他用途並唔係果步原創，據講日本漫畫家比村奇石筆下嘅作品，早已出現女角色用巨乳墊嘢嘅情節，日本巨乳女網民便模仿呢條橋喺胸上放手機，其後一班巨乳AV女優跟風玩埋一份，而澁谷果步更將呢種玩法發揚光大，變成K奶嘅各種妙用。
日本涉谷有間叫做「監獄醫院餐廳 Alcatraz E.R.」（刑務所病院レストラン アルカトラズE.R.）嘅居酒屋，佢以模仿醫院設計，配合賣相驚嚇兼名字特別嘅美食，好似藍咖喱、「大腦味噌解剖」牛肉球、「肝臟摘出」奄列、「尿道結石」炸雞粒等，加上一班打扮成醫護人員嘅侍應，真係好有驚嚇感，因而成為唔少打卡友最愛前往嘅勝地。不過呢間專玩重口味嘅居酒屋，最近卻推出一系列十八禁新菜式，不但引起日本網民嘅熱議，同時將大家嘅接受程度推至新極限。好似佢有道名為「マ○コ」嘅冷盤，驟眼睇落去賣相跟女性嘅重要部位差唔多，真係令人邪念大爆發！事實上，「マ○コ」會令人諗起解作陰部的「マンコ」，餸名都改得幾露骨喎！另外，仲有名為「避孕套最後目的地」（ゴム先ちょっきん）嘅超奇怪飲品，究竟係乜嘢嚟呢？原來杯內除了有由荔枝同葡萄汁混合成嘅飲料，更會附上載有白色液體兼打咗個結嘅避孕套。據稱呢個好似用過嘅避孕套內，所裝嘅白色液體其實係牛奶嚟，飲用時將套內嘅牛奶倒入杯中攪勻就得，絕對夠晒淫氣！此外，仲有店內相當受歡迎，用情趣按摩棒攪拌嘅果汁「Play Alone」（ひとりあそび）。其實店內除咗呢啲十八禁食品外，都有一啲賣相「正常」嘅食物，等接受能力較低嘅客人有得選擇。
10個男人10個都唔想用避孕套，唔夠好Feel又麻煩固然係當中嘅理由，不過最新調查發現原來仲有一個原因，就係避孕套唔啱身。美國肯塔基大學之前做咗個避孕套Size嘅調查，成功訪問超過14,000名男士，結果有45％嘅受訪者表示，避孕套比自己嘅兵器更長，而當中更有83％嘅男士指出，避孕套往往比兵器長咗1英寸！有見及此，大學就為1,661名男士進行量度，睇下避孕套嘅長度係咪真係長得太誇張，結果顯示呢批男士嘅兵器長度平均為14.15厘米，而兵器圓周平均為12.23厘米，只係坊間嘅避孕套一般長度為17厘米，換言之比兵器長咗超過2厘米，因此有男士認為過長嘅避孕套，係令佢哋不適嘅其中一個原因。不過專家卻表示避孕套咁長係有佢嘅道理，事關避孕套最重要嘅功能唔單止避孕，仲要用嚟預防傳染病，而長啲嘅設計正好保障能包住整支兵器，而且要推出唔同長度避孕套，將會推高生產成本。講到傳染病問題，研究指出英國最近嘅一項調查發現，倫敦係英國最高性病感染地，每1,000人就有約14宗性病感染個案，而當中有四分之一嘅患者係新感染。專家表示縱然避孕套未必會為男士提供舒適嘅性體驗，卻係保障健康嘅重要防線，千祈唔好以避孕套唔啱戴作為理由而棄用。
撰文：魂