色情界「瑞典國寶」Puma Swede冇人敢唔識佢，年屆41嘅佢，搞完性玩具品牌又搞藝術，今時今日更進軍埋飲食界，喺家鄉開餐廳Puma Burger，啱啱喺10月底正式開業，敢唔敢試呢？據當地傳媒爆料，餐廳位於瑞典馬爾默（Malmo）黃金地段Lilla Torg區，地方唔算好大，堂食可坐約二三十人，不過Puma Swede就強調佢哋專注製漢堡包，仲請有多年經營餐館經驗老闆合作，即使要食客排隊，深信佢哋都毫無怨言喎！傳媒就話當地人非常期待食到Puma Swede漢堡包，而佢本人亦透過IG及Twitter等社交網拍漢堡包寫真宣傳，雖然冇全裸，但Puma伸晒脷嘅食相，難免令巴打諗起佢食「熱狗」畫面，亦好彩佢唔係開Pizza店，否則都好難有男食客敢入去試囉！至於美國網友似乎就唔多睇好Puma Burger會彈得起，仲留言抽水問係咪Puma姐親自主理，如果係就大件事，仲有人笑言Puma姐咁多生意，不如喺餐廳掛滿佢嘅藝術畫兼賣埋佢個人情趣品牌，再喺門口開多間比堅尼洗車屋，咁就真係一條龍賺盡喇！