要有高質素嘅成人模型，原型師嘅出色做工固然重要，事關佢可以還原原作角色嘅神髓，而原作嘅設計亦不可忽視，否則無論原型師嘅技巧有幾高，都好難憑空設計出好作品。好似呢個即將登場嘅犬童茜實體化模型，便是日本人氣插畫家譽喺去年5月推出嘅插畫集《麗 譽Art Works》封底女郎，可算係近期數一數二嘅超高質造型之作。雖然原作中只Show出上半身，但係佢激凸嘅身材加上調皮嘅表情，已經夠晒迷人，而喺譽嘅再加工之下，加上雙翼社進行原型設計工作，令呢個模型變得更加生動。可能有人話喺8月時，日本咪已經推出過犬童茜嘅模型咩？冇錯，雖然呢次登場嘅作品，跟之前嘅造型係一模一樣，但大家細心去睇嘅話便會發現，其實今次登場嘅模型係「日燒Ver.」，意思即係佢嘅膚色唔單止變成古銅色，身上仲會出現曬痕，令佢睇起嚟更具陽光魅力。講番呢個模型嘅養眼位，相信大家一眼都睇得到，正係佢胸前一對巨乳。激凸嘅胸器不但極具視覺效果，而激細嘅泳衣更係僅僅遮住胸前兩點，絕對係邪惡嘅造型！此外，佢嗰條同樣細到爆嘅泳褲，同樣引爆大家嘅邪念，若然從後面睇嘅話，圓渾嘅美股絕對會令大家心跳加速添！