近期天氣秋高氣爽，最適合嘅活動除咗行山之外就當然係BBQ啦！小弟較早前就同班兄弟去咗一個燒烤場BBQ，享受美食同聯誼一番，不知幾咁疏肝！不過講到疏肝，就真係不及一班日本巴打喇！因為佢哋有幸可以獲得一大班親切又迷人嘅AV女優貼身招呼，簡直好似商紂王咁處身酒池肉林當中！10月15日，AV事務所mine's又舉行一年一度嘅粉絲感謝活動「BBQ withマインズ娘!!」，為感謝一眾粉絲支持旗下嘅AV女優，今次簡直可以話傾全公司之力，搵來17位AV女優同AV迷一齊BBQ，當中好多都係人氣AV天后，好似SOD當家花旦紗倉真菜、小島麻奈美、尾上若葉、川上奈奈美、君戶步實、水稀美里等等，AV迷一次過可以見到咁多知名女優肯定冇投訴啦！更何況班女優會貼身咁為佢哋燒嘢食，好似人妻極品明里友香咁，仲親自幫班AV迷斟酒添！順帶一提，今次BBQ活動一共招呼70名AV迷，當中有兩成係女仔，某程度上反映出家陣鍾意睇AV嘅女仔比例都幾高。
喺BBQ進行之前，當然要嚟個祝酒儀式慶祝今次活動順利舉行以及感謝AV迷嘅支持啦！呢個重要儀式嘅主持者梗係有番咁上下身份同地位，佢就係AV事務所嘅一姐小島麻奈美喇！大家乾杯之後就開始BBQ，當中有唔少有趣嘅點滴可以同大家分享。首先，麻奈美對扇貝情有獨鍾，仲話由自己親手燒嘅扇貝好食到令佢身處夢境一樣飄飄然。至於君戶步實表現認真夠晒親切，不停咁為AV迷烤肉，經佢手燒烤好嘅食物仲色香味俱全，最難得係步實仲剪好晒一舊舊等班AV迷連用刀切嘅工夫都慳番，認真抵錫！而尾上若葉本身性格豪爽，估唔到連飲酒都相當豪氣，經常杯杯清，但係佢酒量極佳，飲咗幾杯都未有醉意！相對於若葉，一之瀨戀酒量就差好多喇，活動剛剛開始就已經醉到瞇晒眼，但係面色紅潤令佢更加可愛。除咗BBQ，活動仲有抽獎環節，送出各種附有女優簽名嘅萬聖節禮物，預先慶祝萬聖節。
撰文：賢