風韻成熟嘅姊姊親切和善，青春可愛嘅妹妹則調皮鬼馬，可謂各具特色！唔知大家鍾意邊個多啲呢？相信好多男士都希望可以兩者兼得！今日就帶來一位童顏巨乳以及一位迷人妖艷姊系嘅寫真女郎，等佢哋組成姊妹檔讓大家大飽眼福啦！
睇戲最怕睇到昏昏暗暗嘅畫面，愈睇就愈覺得眼瞓之餘，仲睇唔清電影嘅角色以及場景，有時真係唔知套戲做緊乜。之不過，今次志崎日向嘅最新寫真映像作品就唔同，全片可見燦爛陽光伴隨日向妹，就咁可以睇清睇楚阿妹嘅身材以及陽光笑顏喇！
志崎日向身材高挑且上圍豐滿，面孔仲生得稚氣濃厚，乃係新一代人氣高企嘅童顏巨乳女優，不過大家唔好睇志崎日向怕怕醜醜，原來佢身懷一項令人充滿邪念嘅絕技，就係能夠快速咁將舌頭伸出伸入，連知名搞笑男藝人岡田昇都大讚日向深得佢嘅真傳。想了解日向嘅舌技到底有幾勁就未必有機會，但係可以從佢嘅最新寫真映像作品《トロピカーナ》當中，感受一下日向妹婀娜又豐滿嘅胴體配上超性感打扮有幾火辣誘人，一邊酥胸半露一邊露出楚楚可憐表情有幾咁惹人遐想，全片喺光線充足嘅環境下拍攝，大家可以更清楚欣賞到阿妹凹凸有致嘅胴體，配合埋甜到漏嘅笑容，更加令人窩心。
碟名：《トロピカーナ》
收錄時間：90分鐘
售價：約HK$285
好多人都話人愈老膽愈縮，但係小弟就覺得都係因人而異啫！好多日本寫真女郎隨年歲增長，演出風格就愈變大膽，好似浜田由梨咁，近年銳意突破個人性感界限喇！浜田由梨除咗係歌手、演員，亦係一名出色嘅寫真女郎，其親切感十足嘅姊系面孔以及豐滿身材俱深深吸引寫真迷。浜田由梨又靚女又好身材，但係就絕對唔係得個樣，因為佢身懷不少絕技，當中包括駕駛船隻，真係估佢唔到！
而最令人估佢唔到嘅仲有今次喺寫真映像作品嘅演出，浜田由梨出道至今已經有8年，由十幾歲拍寫真拍到家陣26歲，演出風格愈嚟愈大膽，喺新作《ボクの彼女》更加嚟個全裸挑戰，不過阿妹用雙手掩胸，所以唔會露點，但係就會加插一場片段，由一雙神秘之手為阿妹按摩全身，意識相當大膽，令人想入非非！
碟名：《ボクの彼女》
收錄時間：110分鐘
售價：約HK$285
撰文：賢