好多日本寫真女郎出道唔夠一年就會由着泳衣變成剝光豬，當中大部分都係因為實力唔夠，未能夠展露出足夠嘅迷人魅力，惟有用裸體嚟吸引觀眾嘅眼球。至於今日為大家介紹嘅石岡真衣同松嶋詠美，身材一流，魅力又足夠，只需要施展半球誘惑亦一樣夠晒吸睛啦！
要喺美女如雲嘅日本寫真界發圍，女優未必需要擁有超級火辣嘅身材，只要有一個優點依然可以成功令觀眾注目，就係雪白鮮嫩嘅肌膚啦！好似出道逾10年嘅老牌萌妹濱田翔子，憑住雪白肌膚而長年保持人氣喇！但係寫真界人才眾多，擁有嫩白誘人肌膚嘅女優又點只得佢一個呢？石岡真衣正係另一位。
石岡真衣作為新生代惠比壽麝香葡萄嘅成員之一，表現相當活躍同受人注目，人氣愈來愈高。而大家認識真衣係麝香葡萄嘅重要成員，似乎忽略咗真衣其實亦係一位出色嘅寫真女郎，為咗幫助大家回復記憶，真衣最近推出嘅最新寫真映像作品《Mai Graduation 02》，當中阿妹施展渾身解數，以多款少布打扮登場，讓大家能夠充分欣賞到其鮮嫩白滑到好似豆腐一樣嘅肌膚，亦會將其「究極之美尻」盡情展露畀大家欣賞，當然唔少得將豐滿肉球擠弄得呼之欲出，濃厚無比嘅個人魅力直送到大家嘅大腦當中。
碟名：《Mai Graduation 02》
收錄時間：97分鐘
售價：約HK$294
記得以前睇日本水着寫真集，多數都只係見到女優上圍被泳衣包到實，若果唔係女優嚟個彎身或趴低姿勢，都好難可以睇到豐滿嘅胸肉，不過今時今日就唔同喇，寫真妹着嘅泳衣有咁少布得咁少布，好多都只係僅僅遮住三點，讓誘人巨乳一覽無遺，擁有F Cup美巨乳嘅松嶋詠美今次喺新作當中，就讓大家可以全方面欣賞其巨乳！
松嶋詠美係近年表現相當亮眼嘅長身寫真女郎，知名度日漸提高，有機會成為新一代寫真女王。詠美身材高挑之外，上圍豐滿誘人，於本作當中，詠美肆意展露誘人巨乳，向鏡頭倒奶同搖乳之外，仲會換上單薄嘅小背心再彎低身，鏡頭從正面影當然睇到兩座山峰，而鏡頭仲捕捉F奶嘅側面，雖然只係睇到大半球，但係已經夠晒惹火喇！除咗露乳誘惑，詠美亦會將其飽滿玉臀以及修長美腿挑逗觀眾嘅官能神經，視覺享受相當多元化。
碟名：《エイミー・レメディ》
收錄時間：108分鐘
售價：約HK$294
撰文：賢