癡女風俗店 可以點玩？

癡女的奧義

雖然閣下唔一定係風俗玩家，若然有留意日本AV或ACG作品，都會見過或聽過「癡女」呢個名詞。「癡女」嘅日文係「痴女」，意思係指對性愛有異常慾望，性愛口味略重兼性觀念大膽嘅女性，有人更鍾意用三個字嚟形容佢哋，就係「鹹濕妹」。

「癡女」係對應形容變態鹹濕佬嘅「癡漢」而產生，不過講到起源，唔少人都有所誤解，以為佢最初係嚟自日本AV作品，其實「癡女」係源自風俗界，早喺上世紀中便已出現，不過當時風俗業中嘅「癡女」，只係作為風俗孃嘅賣點，等玩家對風俗孃留下一個鹹濕嘅印象，從而挑起佢哋嘅興趣。隨住風俗文化嘅變化，其後喺大阪飛田新地出現打住「癡女」旗號嘅主題風俗店。

須知道風俗孃唔一定天生鹹濕，卻要喺玩家面前表現出鹹濕一面關係，因此對風俗孃嘅演技要求相當高，亦因為咁嘅緣故令呢類風俗店嘅收費，比泡泡浴、粉紅沙龍等類型嘅風俗店更加昂貴。雖然係貴，但男人愛淫娃係天性，因此時至今日，仍係日本人氣最高嘅風俗類型。不過隨住癡女風俗店嘅競爭白熱化，為咗吸引玩家，慢慢便演化出S系及M系兩種主流類型，前者主打癡女調教玩家，後者賣點則係玩家調教癡女，兩種玩法滿足唔同需要嘅客人。

言語挑逗

「言葉責め」嘅中文意思即係指言語羞辱咁解，不過玩家畀得錢去風俗店玩，點解要畀風俗孃言語羞辱呢？原來呢種係癡女風俗店嘅特色玩法之一，風俗孃透過充分挑逗同羞辱性嘅語句，例如：「你係咪覺得好舒服呀？如果我咁樣做，你係咪仲興奮呀？」「家陣邊個喺度教訓你？快啲答我。」從而刺激玩家嘅大腦，等玩家有種被激發起淫性嘅刺激感。之但係呢啲淫語好靠風俗孃嘅口才，如果佢所用嘅詞彙唔多，同埋唔夠露骨嘅話，反而會令玩家投入唔到。

主動進攻

顏面騎乘絕對係癡女風俗店嘅招牌玩法，之但係點解會有呢招出現呢？據稱呢招可以展現出癡女鹹濕嘅本質，等玩家可以喺被征服之中，透過所產生嘅屈辱感從而提升性趣。可能有人會話喺S系嘅癡女風俗店中，有呢種玩法固然無可厚非，只係M系癡女風俗店係咪應該由玩家騎乘風俗孃呢？癡女風俗店其中一個宗旨，就係不論S系定M系，風俗孃都要秉持「進攻」嘅理念，透過主動出擊嚟將癡女好色嘅特質呈現喺玩家面前，而具有色氣同進攻慾望嘅顏面騎乘，便成為佢哋嘅招牌服務。

癡女演技指南

之前講癡女風俗店嘅風俗孃要有相當嘅演技，不過演技兩字好空泛，有冇實質啲嘅例子呢？日本風俗孃招聘網站「Momo Job」就為打算投身癡女風俗店嘅準風俗孃提出兩個參考要點：（1）唔好跟足AV片嘅演出。網站指出唔少準癡女風俗孃都會參考片中癡女女優嘅動作，唔好處就係每位風俗孃嘅表現都一模一樣，令玩家覺得冇新鮮感。提議不妨撇開AV，以自己嘅感覺出發會更加好，雖然玩家未必覺得過癮，但亦係一個好嘅學習過程。

（2）善用戀物癖好。玩家如果有戀物癖嘅話，風俗孃便要針對對方嘅喜好作出部署；若然客人冇戀物癖嘅話，咁就要自己扮成對某種事物有特殊嘅癖好，唔一定係物品，亦可以係語言、氣味、液體等，咁做嘅好處係既方便玩家發揮，又可以展現出癡女好色嘅特質。

撰文：魂