日本電車癡漢就聽得多，估唔到原來南韓地鐵亦有癡漢出沒，各位女士要小心呀！另外，早前日本有個專家分析點解VR式AV推出咗咁耐，卻一直未能普及，當中原因就係私隱空間唔夠，萬一睇到(興)合合想自娛，原來身邊有人(目及)實而不自知，真係勁(火羅)！
須知道鹹豬手邊度都有，因此咪以為電車癡漢喺日本先至有，南韓首爾嘅地鐵亦經常發現電車癡漢嘅蹤影。由於首爾地鐵網絡相當發達，加上票價又唔貴，成為唔少人最常用嘅交通工具。早前有南韓媒體報道，指隨住首爾地鐵系統嘅人流愈嚟愈多，不但經常出現鹹豬手事件，部分地鐵路線及車站更係電車癡漢出沒嘅熱點！而第一位就係首爾地鐵嘅3、7及9號線，因為呢三條線路都會途經高人流量嘅商業地方，當中尤以「高速巴士客運站」嘅發生率最高，單係喺過去嘅8個月之內，呢個車站已發生44宗偷拍及118宗性騷擾事件。其次係弘大站、首爾站、汝矣島站等，車站內設有長扶手電梯，因而吸引癡漢偷拍女士裙底，而弘大站更因當區夜店林立，經常有唔少穿着得特別火辣嘅女子乘搭地鐵，因而成為癡漢嘅目標。此外，癡漢犯案高峰時段係喺上落班時間，即係上午8至10時及下午6時至8時呢段時間。報道又反映由於地鐵站內嘅閉路電視數量不足，而拍攝出嚟嘅影像亦模糊不清，令地鐵站成為癡漢嘅出沒地。另一方面，雖然首爾地鐵曾於1992年、2007年及2011年嘗試引入地鐵女性專用車廂，但由於受到反對而最後擱置，呢點又真係幾耐人尋味。
當VR推出市場後，唔少AV迷都有個幻想，就係以後可以喺冇人發現嘅情況下，體驗到置身於肉搏場面中嘅感覺，唔少日本AV片廠更紛紛推出VR影片，之但係市場上需求唔高，未能夠普及，究竟係點解呢？日本網絡媒體「電家族Nico Gamer」搵嚟一位自稱專家嘅A先生分析原因，第一係AV平台要求使用嘅VR器材規格各有分別，佢舉出現時日本供應VR式AV影片嘅網絡平台，如DMM VR、VR CRUISE、FOD VR等，每個網絡平台要求嘅VR器材都唔同，以致AV迷使用上有困難；第二係受到環境嘅影響，用VR睇AV嘅缺點，就係無法觀察到身處嘅現實環境，如果缺乏安全感嘅話，實在好難投入去睇，相信同屋企人一齊住嘅巴打絕對有同感！第三係唔少AV內容都係從AV迷瞓喺度嘅角度出發，因此要求觀看者瞓喺度睇，結果每次都好似被鎖定喺地板上一樣，感覺好單調；第四係粗製濫造令到作品質量下降。A先生指出自從日本AV片廠KMP推出首個VR作品後，其他片廠亦瘋狂加入市場，但係影片嘅解像度、立體感同內容都強差人意，令人無意使用VR嚟睇片。唔知大家認唔認同A先生嘅講法呢？
由出名搞鬼嘅日本設計公司ekoD Works設計嘅異種女孩，首個登場扭蛋系列名為「蝸牛在窗邊」，分為淺啡色蝸殼嘅「普通品種」同淺藍色蝸殼嘅「水生品種」，另外又分為「黏着型」、「爬行型」同「準備伸出型」三種唔同嘅形態。為咗令呢個「蝸牛女孩」更具真實感，ekoD Works虛構咗一啲資料，據稱係最新發現嘅蝸牛品種，具有柔軟身體，並分布於日本北海道各個窗邊，同時透過物流網散布全球各個窗邊，而喜好就係貼喺窗邊。此外，蝸殼高10毫米，直徑25毫米，屬細小品種，同時因為生活環境分為淺啡及淺藍兩色。雖然ekoD Works如此細心為佢虛構資料，但日本網民嘅重點卻落喺佢嘅裸體設計上，尤其係「黏着型」更成為佢哋嘅話題，事關見到胸部被壓扁嘅「蝸牛女孩」貼喺玻璃上時，嗰種視覺誘惑令佢哋好有遐想，就係咁，令「蝸牛女孩」大受歡迎。
撰文：魂