髮型對於一個人嘅外觀以及予人的印象有相當大影響，以前梳個飛機頭，一睇就知佢係飛仔啦！如果染到一頭金髮去寫字樓見工，通常9成都係返屋企等消息等到天荒地老喇。髮型對人咁重要，如果識得打理自己嘅秀髮當然最好不過，仲村美海呢位日本寫真界超新星，就係最叻施「髮」術。
以前師傅成日同我講，揀老婆一定要揀到啱為止，因為要對一世嘛！但係搵女朋友拍吓拖就唔使咁挑剔，合則來不合則去，相處唔來咪分手各行各路囉。老實講，小弟我都唔係咁隨便乜女仔都啱，最好就梗係樣靚身材正啦！大家可能會話：邊度有咁多女仔又靚女又好身材呀？畀個選美冠軍你好唔好！我就梗係話唔好啦，因為近年選美冠軍都唔靚得去邊囉！咁邊度有美女呢？日本寫真界就有好多喇，好似仲村美海咁唔單止樣靚同身材正咁簡單添！
25歲嘅美海一副美人胚子，從邊一個角度睇都深具懾人魅力，當然我最鍾意睇到美海笑容滿面啦。美海身材亦養眼，上圍對E奶飽滿堅挺，實在係難得嘅美胸。另外，美海嘅蛇腰纖幼而軟柔，同樣吸睛指數高企。美海仲有第四個美，就係一把長長秀髮喇！每次拍寫真都梳得一個時尚又配合美貌嘅靚靚髮型，真係艷光四射！
仲村美海近年喺寫真界曝光，除咗拍水着寫真之外，亦係一位時裝模特兒。由於美海人又靚身材又好，被模特兒界大讚潛質優厚，更加有一種懾人魔力，對佢抱有相當期望。美海出生於宮崎市，18歲移居東京，去到一間美容學校進修，後來成為髮型師，家陣美海個髮型咁靚，都係由佢自己一手搞掂。做髮型師期間，美海被藝能事務所睇中，將佢帶到模特兒界，到今年展開寫真事業，以性感姿勢將極品身材賣弄一番。提到拍寫真，美海拍出嚟嘅作品風姿綽約、風情萬種，令寫真迷眼前一亮！而喺拍攝過程中亦被讚表現自然又聽話，工作人員對美海亦有好評，皆因美海對攝影、燈光、化妝等都感到相當有興趣，喺拍攝現場乜都會搞一餐，從而同工作人員打成一片。
簡介：仲村美海暫時仲未開Twitter同博客，只得一個官方Instagram發布靚靚寫真相，大家惟有睇住阿妹嘅相先啦!
網址：https://www.instagram.com/_nakamuramiu_/?hl=ja
年齡：25歲
身高：5呎3吋
三圍：32E-23-33
撰文：賢