卡片喺日本社交文化中不但廣泛使用，而不論交換定係派卡片都有禮節上嘅規定，地位較低或年輕嘅一方，會先將卡片交畀對方，並將寫有名字嘅一面正對對方。不過大家有冇諗過原來風俗孃喺同玩家溫存過後，都會送上一張卡片，而卡片上嘅內容更係令男士心頭一暖呢？
卡片喺日文中叫做「名刺」，而喺日本風俗文化中，幾乎所有風俗孃都會自備一套個人卡片。不過大家唔好以為佢哋好似內地嘅色情卡片咁亂咁派，佢哋會喺歡樂過後才會將卡片派畀客人。點解會選擇喺呢個時候派卡片，而唔係一開波就派呢？因為佢嘅作用同商務上嘅卡片有分別，須知道日本風俗店有指名制，但係話就話係指名，其實客人都係同風俗孃第一次見面，因此完事後風俗孃便會派番張卡片畀對方，等對方下次返嚟搵佢。另一方面，其實呢啲卡片上並非單純印有風俗孃嘅名字、風俗店地址同聯絡方法，原來卡片背後大有玄機（口架）！
究竟呢啲卡片背後有乜玄機呢？原來呢啲卡片並非單純作為客人同風俗孃之間聯繫之用，卡片背後仲會印有風俗孃嘅出勤時間，即係星期一至日，邊日風俗孃會喺風俗店工作，一啲貼心啲嘅風俗孃更會寫明自己嘅經期幾時來，方便玩家知道嗰段日子唔好搵佢。除此之外，風俗孃仲會喺卡片上寫上一段感言，作為問候或感謝客人幫襯。大家唔好以為佢哋係一早寫定，事實上大部分風俗孃都會喺服務完後即場寫畀客人，唔同客人寫上唔同內容，呢種誠意同態度令人窩心，因此就算係熟客，事後風俗孃都會派卡片畀對方。
話時話，呢啲卡片係風俗店幫風俗孃印製，定係佢哋自己畀錢印嘅呢？答案係兩樣都有，視乎風俗店嘅安排。雖然每間風俗店同風俗孃嘅卡片款式都唔一樣，但規格上係有共通點，例如唔會印上風俗店嘅內部裝修、各種費用等。咁如果客人收到卡片後即刻掉咗佢，風俗孃會唔會覺得唔開心呢？其實風俗孃一啲都唔介意客人咁做，反而如果唔派卡片嘅話，會令客人覺得不受尊重。
咪以為玩家收到卡片後都會即刻掉咗佢，實情係佢哋都會儲起，甚至喺網上同大家分享。卡片上留下嘅感言開場白雖然都係千篇一律，例如「多謝你前嚟」、「今日我好幸福」等，但後面嘅內容卻有啲分別，主要分為4大類：
「今日好多謝你，因為你喺我生理期結束後就嚟，令我覺得好高興。」呢段感言係嚟自一位經常搵開同一個風俗孃嘅日本玩家，喺睇準日子快活完後所收到嘅。
「感謝你今日光臨，很對不起今次不能給你一個很好的機會，下次絕對不會這樣！讓我們下次慢慢來吧。」事實係呢位日本玩家因為某種原因太快爆發，只係喺風俗孃體貼嘅感言下，令本嚟遺憾嘅感覺一掃而空。
「多謝你今日嚟玩，50分鐘時間轉眼就過，我會早啲返屋企同埋慢慢行，哈哈。如果你有時間，請再次嚟玩。」係男人見到呢段感言，都會被好似情侶般嘅言語所感染，沉船嘅機會直線上升，最重要係下次一定唔只玩50分鐘。
「感謝你今日嘅指名，慢慢地接觸嘅感覺非常好，亦係我第一次有咁美妙嘅體驗。如果可以嘅話，我好希望能夠再嚟多一次。」雖然唔知呢位日本玩家玩咗啲乜嘢，但係男人都鍾意畀人讚，相信佢收到呢段感言都會蠢蠢欲動。
先前提到有啲風俗孃因為業務關係，所以需要自己印製卡片，但係佢哋又唔知卡片上應該有乜嘢內容嘅話，點算好呢？其實日本有卡片印製店，不但專門為風俗孃提供印製卡片服務，仲會介紹埋邊類型嘅風俗孃適合邊類型設計嘅卡片、內容，甚至感言應該寫啲乜等等，而且仲會提供送貨上門服務。至於貼心服務嘅背後原因，係因為風俗孃對卡片嘅需求量相當大，故希望吸引佢哋多啲嚟幫襯。
撰文：魂