寫手Q上兩個星期因為工作順道上東莞一遊，不過好像印象麻麻，於是轉戰深圳揼邪骨去，「點狀況？咪死城一個囉，先唔講夜場，根本好多以前好熱鬧嘅食店、舖頭都閂晒門，少咗幾多客呀，唔執就奇啦！」寫手Q搖頭說，語氣好似啲舖佢有份一樣，「諗住去夜場探吓路啦，又係執到八八九九，都仲有啲足浴場嘅，見仲有時間咪入去蒲吓，中女嚟嘅，食欲不大，問佢哋可以點玩？原來得鬼祟機，仲要係得班阿嬋嚟做，你話，我呢班東莞粉絲係幾咁唏噓呀！」無得玩，連鎖反應也影響到市面環境，你話黃業興旺幾緊要呢！
深圳近年也遭遇相類問題，但始終死唔晒，加上地方大，發展比較平衡，算是另有一番氣象。「我咪返深圳玩囉，我去開間上樓骨場，細細哋，係就係冇得同以前嘅東莞比，但最起碼，有嘢落肚先啦！」寫手Q說那家場，開在旺區，我聽過，好像口碑麻麻，「間場旺吖嘛，啲女日日做咁多客，一定學精咗，對於一啲過分要求識得Say No，咁係咪Say No等於唔好？我又唔會完全贊同，好似人哋做飛機餐，你又上下其手仲要啜埋，囡囡Say No就上網唱，你話咁係咪啱數。」
撰文：黃韋龍