日本成人遊戲唔單止要有火辣女角色，同埋色氣十足嘅情慾場面，仲要有出色嘅劇情，先至可以令玩家有追玩嘅動力，而日本十八禁遊戲廠Enishi正擅於此道，因此佢嘅新作《鬼來了～姊姊快被夾死了～》令唔少遊戲迷充滿期待，廠商將遊戲定位為戀愛喜劇，遊戲中經常出現可愛嘅Q版角色造型。
故事講述同男主角高嶺陽人相依為命嘅姊姊晴子，因為某次意外令身體變得相當虛弱，為咗拯救姊姊，陽人便請求神明幫助，結果自稱神明兼擁有火辣身材嘅虛姬現身喺陽人面前，正當兩姊弟以為呢次有救之際，虛姬好抱歉咁話畀佢哋知，因為佢哋嘅信仰唔夠關係，所以無法實現陽人嘅請求，結果兩姊弟就為搜集信仰力量而不斷努力。不過，晴子對虛姬24小時都黐住陽人，而且只掛住食同瞓感到非常不滿，因此對虛姬大發脾氣。其實令晴子不滿嘅唔單止係虛姬，皆因陽人仲有個青梅竹馬好友凜凜，佢一直暗戀陽人，發現虛姬介入佢同陽人之間嘅感情，因此化身成跟蹤狂全天候跟住對方，最後更索性走進晴子同陽人嘅生活中。結果呢四個人就咁開始同一屋簷下嘅生活，女人與女人之間嘅明爭暗鬥亦隨之而發生，正當佢哋以為未來生活將會就咁度過之際，卻有好多突如其來嘅人和事發生。
開發商：Enishi
發售日期：2017年9月29日
撰文：魂