軟滑彈手睇到口水流

近期小弟鍾意食齋,當然淨係食菜就梗係唔夠營養啦!為補充蛋白質一定要食豆製品,最簡單就梗係食豆腐啦!以前覺得豆腐淡而無味,但係家陣嗒真啲,發覺豆香誘人,而且外表雪白,又嫩又充滿彈性嘅質感,更加令人心動!我都知道大家唔食齋o架喇,今日就介紹兩位擁有豆腐般鮮嫩彈手肌膚嘅頂級日本寫真女郎畀大家欣賞啦!

佐山彩香 治愈力強

今個月打工仔要辛苦少少喇!因為冇乜公眾假期,冇得放假之餘,大家仲要面對酷熱天氣,實在令人身心俱疲!不過唔緊要,我哋一於發揮獅子山下精神,齊齊為香港嘅經濟打拚!老實講,獅子山下精神到底係咪單純咁要大家死捱爛捱呢?呢方面留畀高官們研究啦!我哋不如實際少少,欣賞一下充滿治愈能量嘅寫真女郎佐山彩香。

佐山彩香被喻為「國寶級美巨乳」,其實佢除咗上圍豐滿誘人之外,全身肌膚透明感十足,整副胴體都相當吸引。喺本作當中,彩香會去到景色優美嘅沖繩海灘上大騷好身材,喺燦爛陽光以及性感泳衣嘅映襯之下,令觀眾充分欣賞到彩香雪白又豐滿嘅胴體,當然彩香搔首弄姿之時,媚態盡現嘅表現亦同樣值得慢慢品嘗啦!但係小弟最欣賞彩香性感得嚟面容上總係掛住甜美又清新嘅笑容,令人心曠神怡睇完保證大家精神煥發!

碟名:《アヤウイ日常》

收錄時間:110分鐘

售價:約HK$282

永井里菜 全方位誘惑

從好多娛樂新聞報道當中,可以見到唔少女星都會向鏡頭展露豐滿上圍,無他嘅!因為佢哋知道大家鍾意睇波,而且唔賣波就冇其他優點可以出賣囉!唔通要佢哋賣才華,自揭弱點咩!當然,亦可能係因為佢哋嘅胴體只係得上圍吸引,其他部位如腰肢、臀部同玉腿都唔夠煞食,不過呢種情況就唔會喺永井里菜身材出現,事關里菜整副身材都咁正!

永井里菜青春活潑,而且身懷絕技,就係一身柔軟體操技巧,亦因為經常做運動,佢副身材幾近完美!里菜喺以往嘅寫真演出當中,都以各種高難度動作吸引觀眾目光,今次亦唔例外,表演立定一字馬等動作,包保令大家睇得拍爛手掌!當然,難度指數高嘅動作固然可取,但更可取嘅係里菜甜到入心嘅笑容,以及豐滿且彈性十足嘅青春胴體。此外,里菜大開中門展露酥胸,同時大玩側乳誘惑,又特登向鏡頭展露圓潤美臀,提供全方位視覺誘惑。

碟名:《りなベイビー》

收錄時間:109分鐘

售價:約HK$282

撰文:賢