學海無涯，唯「淫」是岸！喺美國讀書，除咗有良好嘅學習環境之外，仲可以享受一世免費色情娛樂服務，你話幾好呢！成人網站Brazzers近日宣布免費送贈畀美國大學生睇鹹網四個月，名額5,000個，即係話任何成年美國大學生，可以連續120多日免費喪睇鹹片，釋放學習壓力，超爽呀！呢個計劃名叫「Brazzers Back-To-University」，為咗今次活動仲拍埋廣告片，片中模仿大學生上堂情況，之但係男女學生喺堂上發春夢，同時請嚟脫星Nicolette Shea、Luna Star、Bridgette B等為男生降火！
Brazzers嘅Marketing總監Gary Ticher接受傳媒訪問時表示，大學生讀書壓力好大，為咗幫佢哋減壓，提供市場上最好嘅色情學習配件，好等大學生們放鬆身心，瞓得更好及專心上堂。嘩！難為總監咁嘅理由都講得出，仲可以忍住唔笑嗰吓好嘢！參加方法非常簡單，凡年滿18歲或以上大學生去官網填寫申請表，並提交有效學生證及出生日期證明，就有機會免費睇好嘢喇！Gary仲話假如你自問鹹濕得嚟學業成績又叻過人，Brazzers現正舉辦短片比賽，主題為「Brazzers會幫助我畢業」，片長唔超2分鐘，然後將短片作品提交到官網，就有機會25年免費任睇鹹網，不過到時網站仲存在先講啦！
網址：trendzz.com/zzbtu
撰文：祖