現今日本風俗服務主要以店舖型同出張型為主，簡單嚟講都係以風俗店形式經營。但原來喺日本風俗史上，有一種名為「站立」（立ちんぼ）嘅風俗玩法，乜嘢叫做「站立」呢？答案就係街女。事實上喺以前嘅東京一帶地方有唔少街女雲集，好似歌舞伎町、大久、鶯谷等，而呢啲地方被稱為「站立的聖地」（立ちんぼの聖地）。呢種唔單止喺日本，喺全球各地都出現咗好耐嘅風俗服務，及至千禧年時，日本政府以影響市容及跟暴力團體關係密切為理由，而被當局強力取締，加上風俗店嘅興起，令到呢種傳統風俗玩意就此喺東京街頭消失。不過近年卻有重燃嘅趨勢，有日本玩家稱於大阪天王寺駅和商店街一帶，發現有街女出沒，另外又有日本玩家指，於新宿東寶大樓附近嘅公園發現街女嘅蹤影。道聽塗說未為真，於是有玩家根據資料，於晚上8點左右到公園尋覓，結果真係畀佢遇到個年約30歲嘅街女，對方稱近年先至喺度出沒，一般會喺晚上至凌晨時分喺附近公園一帶等客，而客人亦以外國遊客為主。原來唔少遊客都會喺歌舞伎町一帶飲酒，而佢哋既對風俗服務有興趣，卻被風俗店拒諸門外，故此便成為街女嘅目標。當傾好價錢後，大家便會到附近嘅時鐘酒店交易。不過據分析指，隨住奧運臨近，呢啲街女好快會被掃蕩。