黑起上嚟，真係好難逃避！話說台灣有位25歲莊姓男子一直好想試吓尋花問柳滋味，於是一試半套服務，當佢去到一間位於高雄三民區建國路，以養生會館做掩飾嘅色情場所後，便睇中一名王姓女服務員，經過交涉後，以2,000元新台幣（約500港元）嘅價錢，提供手作服務。瞓喺按摩椅上嘅莊男，經過王女一輪手部動作後發射升空，正當莊男畀錢一刻，警察突然衝入嚟，原來警方早就接到線報，指呢間養生館掛羊頭賣狗肉，於是便先進行搜證，並喺適合時機採取行動，結果不但莊男同王女一同被捕，連同養生館嘅林姓負責人，亦同時被警方逮捕。莊男初次出征便遇上突擊檢查，可謂倒楣，但咁都未算黑仔，當警方調查王女身份時，竟發現原來佢已經年屆50歲，莊男得知後感到十分驚訝，事源係房間嘅燈光黑暗，令莊男根本睇唔出王女嘅年紀原來咁大。最後莊男坦承自己有進行半套交易，依違反社會秩序維護法被送往裁處。