電視台拍咁多飲食節目係因為慳水慳力，但對於出名食好東西嘅港人又點會滿足先？所謂「食色性也」，唔係得個講字，喺美國四仔界堅有砌得又煮得嘅型男索女，佢哋個個都煮得一手好菜，真係唔拍四仔，都可以做大廚搵食呀！
點先稱得上男神？好似Jean Valjean咪係人辦囉！呢位法國靚仔，2004年加入四仔界做男優至今，憑住超靚仔外形，結實胸肌，加上驚人耐力，連美國男優都唔夠佢鬥，難怪佢紅爆歐美，連男同四仔界都想搵佢拍片呀！佢表示人生三大興趣係健身、飲食同性愛，所以佢副Body一直都Keep得咁完美，八舊腹肌、人魚線呢啲都係濕濕碎。雖然型男、猛男冇你同我份，不過你可以向佢偷師做暖男，事關佢喺2009年以Emmanuel DelCour呢個名開網誌分享煮食心得，教大家煮法國大餐，依家佢除咗有自己嘅烹飪學院，亦喺YouTube頻道教煮嘢食，仲擔任Bravo TV真人騷節目《Chef Academy》嘅主持，足見佢有料到！
網址：http://emmanueldelcour.com/emmanueldelcour.com/My_Recipes.html
37歲喺今日嘅脫星界唔算老，仲有大把四仔可演，不過脫星Mariah Milano就選擇煮飯仔！喺1998年18歲生日後，Mariah Milano無所事事，貪得意走去拍成人雜誌，覺得剝衫興奮又過癮，同年轉戰床上脫星，一直拍到舊年，演出超過300套四仔，阿妹話覺得冇挑戰性先收山，但佢冇隱性埋名嫁人歎世界，反而開咗個飲食頻道《Dinner With Mariah》教人煮嘢食。Mariah Milano深信「食色性也」，個人有幾鍾意食，對性就有幾多癖好，所以佢中西意法日嘅菜色都識煮，而且要求非常高，要做到色香味俱全，就好似佢咁睇得又砌得喎！唔少歐美飲食網站都有訪問過Mariah，阿妹煮嘢咁叻，原來係因為後生嗰陣喺不同地方生活住過，食過好多美食，難怪煮嘢咁叻啦！
Joanna Angel畀人感覺做生意叻，紋身勁，原來佢對烹飪都好講究o架！據聞同佢合作過嘅演員都品嘗過阿妹親手煮嘅美食。有自己製作公司Burning Angel Entertainment嘅老闆娘Joanna Angel向來我行我素，而佢對傳媒話最鍾意食燒烤，所以每逢大班人拍外景時，都會喺開工之前燒嘢食，仲係由Joanna親自燒畀大家食。2014年佢順勢拍咗套《BBQ TitMasters》，由佢帶隊加一班紋身脫星邊燒邊砌， 阿姐話呢場戲係咁多部四仔中最深刻，皆因事前要準備大量食材，而拍攝時堅係燒嘢食，全程拍得好開心喎！雖然四仔迷唔太識欣賞，不過傳媒就經常搵Joanna品評時下美食，連食評家都撈埋呀！
據成人新聞網報道，Brandon Lee被喻為最愛歡迎亞裔男優，咁點解冇乜人提起佢呢？因為Brandon Lee喺2011年已經退役。現年36歲嘅佢，擁有菲律賓同美國血統，雖然佢冇攞過獎，但係都有唔少提名。自從佢退隱江湖後非常低調，據網站SF Weekly爆料，原來Brandon Lee喺2013年完成烹飪課程，之後去咗洛杉磯一間叫Ortolan高級餐應擔任行政總廚，之後佢受到情傷，於是離開傷心地重過新生活，由洛杉磯搬去三藩市開咗間餐廳，傳媒去踩場，無奈當事人唔想舊事重提，但就發現Brandon Lee每日喺廚房做足十幾粒鐘，對烹飪充滿熱誠！
撰文：祖