四仔脫星Alison Tyler喺網上直播話：「你的反應如何，你的生活也必如何！」話說Alison Tyler近日開設新網站玩直播講健康生活，當中唔多唔少都牽涉到男女性生活問題，加上佢係瑜伽教練，直播節目時佢一邊做瑜伽一邊講人生哲理，睇見Alison玲瓏浮凸嘅波哋，你叫男人好難唔起色心囉！
話說回來，Alison呢個全新健康網站「Balanced Bodies Wellness」絕非色情鹹網，適合任何年齡人士收看，尤其係捱到殘嘅打工仔必定要睇，好似其中一集主題係「How Your Reactions Effect Your Life」，內容主要講遇到問題時，應該用乜嘢心態面對及解決先最重要，套用喺性事方面好啱使，男男女女搞嘢都喺嗰幾招，但點樣先達至如魚得水？唔使細佬教你，得閒上Alison Tyler嘅網站睇吓就知道答案！話時話，Alison Tyler份人的確係講得出做得到，當年佢入行表示因為要賺錢交學費，結果依家真係攞到商業學位；另一入行肉搏嘅原因，係阿妹希望打破障礙及改變廣大市民對成人行業及婦女嘅睇法，今日睇番，阿妹嘅理想一步一步達成，令人好感動呀！
撰文：祖