Mia Khalifa受威嚇

出生於黎巴嫩嘅美國籍脫星Mia Khalifa,真係多災多難,由於身份問題,當年做脫星激起好多阿拉伯人民怒火,雖然阿妹堅持企硬,但依然受到不少指摘、唾罵兼抹黑,甚至有人揚言要斬阿妹首,喺網上仲好多假消息指Mia Khalifa染上世紀絕症,誓要阻止阿妹落床拍四仔!面對無止境死亡威脅及抹黑,起初Mia Khalifa都逐一回應,但勢孤力弱,最終阿妹選擇喺舊年底黯然退出四仔界,只有限度喺個人網站「MiaKhalifa.com」拍吓片、玩吓Live騷,希望減低一眾「反對派」刺激。

但原來事件仍未告一段落,早前成人新聞網報道Mia Khalifa受到極端組織嘅死亡恐嚇,對方將多幅阿妹被斬首合成照傳送畀Mia Khalifa,炸爆阿妹嘅電郵,更喺網上發布,阿妹回應傳媒表示會勇敢面對,絕不退縮,誓要捍衞個人自由,之但係Mia Khalifa承認佢在明,對方在暗,根本防不勝防,現階段佢都諗唔到解決方法,惟有盡量小心啲喇!

撰文:祖