年中有好多脫星引退，既然要走嘅又唔係大牌脫星，都冇乜值得好講啦！但假如你有留意，甚至有欣賞過Dahlia Sky嘅演出，即使唔覺得可惜，個心都有啲「乸住」「乸住」囉！有冇咁誇呀？真係有o架！先講吓Dahlia妹嘅背景，今年28歲，喺2011年加入脫星界，個樣唔算索，亦唔係姣爆嗰隻，相反仲有啲Cool，不過阿妹出名重口味演出，加上對手男女不拘，殺氣重啲都合情合理！喺四仔界浸淫7年，未計網絡四仔，阿妹演出過416套作品，喺各大四仔頒獎禮提名過好多次，包括AVN Awards、XBIZ Awards及XRCO Awards等，唔係提名一個半個豬肉獎喎，而係幾乎各個大獎都有份提名，加埋嗰啲小型頒獎禮Inked Awards、Nightmoves及Spank Bank Awards等，阿妹真係有N咁多個提名o架！而Dahlia每次都有出席頒獎禮，可惜佢從來未試過以得獎人身份企上頒獎台，正因為咁，撈咗幾年都冇Noise、冇名氣，只得個砌字，令阿妹心灰意冷。最近Dahlia Sky喺Twitter表示經過周詳考慮，決定離開四仔界，雖然阿妹冇交代幾時正式引退，但當成人傳媒報道呢個消息時，查實大家都明白阿妹去意已決，好難留得佢住囉！