現實係一方有難，八方支援，但係當事過境遷，你有意復出，想努力工作，追回過去，Sorry，無人記得你喎！講緊係當日被打到爆晒缸，斷埋肋骨嘅美國脫星Christy Mack，前男友罪有應得，被裁定入獄36年，阿妹終於可以放下心頭大石，從過新生活。但係要全面復出，Christy都話冇可能，但有限度咁行吓性感，去夜場跳吓舞都還可以，而阿妹亦坐言起行，自康復後不時都進行巡迴表演，好似最近Christy去咗俄亥俄州一間叫Diamonds Cabaret俱樂部跳辣身舞，可惜，唔單止傳媒冇幫手宣傳，連四仔迷都好似當無事發生，完全無提及過阿妹一晚連跳兩場囉！難為阿妹仲出晒口術，喺社交網呼籲粉絲到時早啲到場，因為佢餓到全身發滾喎！咁結果當然係冇乜人理啦！不過即使咁又如何？唔經唔覺Christy已退出幕前快近3年，零肉搏零自摸，連副偈巴打都印象糢糊，你叫巴打畀錢去夜場睇騷，睇怕佢哋情願上網睇番阿妹嘅舊作仲Happy啦！但話說回來，Christy出事當日，脫星界一眾姊妹喺眾籌網站集資幫阿妹渡過難關，連Fleshlight都幫佢出個人J杯，今日阿妹重新上路，最需要人扶持，卻全部唔見影，唔係偽善係乜？