英國中女脫星Tanya Tate所攞過嘅獎多到一頁紙都Show唔晒，雖然佢獲獎無數，但唔代表佢唔再恨攞獎噃！好似喺嚟緊舉行嘅「2017 NightMoves Award」咁，本地四仔迷都唔多留意，一來唔算大型頒獎禮，二來娛樂性欠奉，因此細佬都冇重點介紹，不過Tanya姐作為脫星有獎點可以唔爭，即使捧唔走個獎，都要攞番啲聲勢嘛！Tanya姐喺2010年以中女之齡入行，甫出道已捧走NightMoves Award嘅最佳熟女演員大獎「Best MILF Performer」，之後阿姐佢每年都有份提名爭奪呢個獎項，結果每兩年就攞獎，如果今屆佢攞獎，就係第5次捧走呢個大獎。之但係先前都話，逢雙數年先有得拎，舊年2016年攞過，好彩都要2018年先有運行，不過今屆Tanya姐繼續有被提名，而早前佢接受成人網站訪問時表示好想奪得「Best MILF Performer」大獎，事關呢個獎係佢由英國跑到美國搵食奪得嘅第一個大獎，非常有意義，好有紀念性，Tanya姐出晒口術，擺明恨到口水流嗰隻，連成人傳媒都Feel到佢志在必得。而睇番其他10位候選脫星，都唔係冇得鬥o架，包括有大熱門Kendra Lust、黑白不拘癡女Nina Elle，仲有復出後人氣急升嘅Briana Bank等，喂，你估Tanya姐真係聲大就等於大晒咩？