唔知大家有冇幻想過自己係個擁有領地嘅貴族領主呢？因為作為領主唔單止有錢又有地，仲可以過住風流快活嘅生活，相當過癮。不過，日本成人遊戲廠Shchara最新推出嘅18禁遊戲《領地貴族》，就話畀大家知領主一啲都唔易做，生活仲過得非常辛苦添！玩家化身成一個沒落貴族嘅四兒子Sieg，個性勇猛兼且雄心壯志，因為喺戰場上積極嘅表現，令佢受封為男爵，更喺王國南部獲封自己所屬嘅領地，於是佢喺領地上建立名為「Mairead」嘅新家族。Sieg一心以為從此可以過住逍遙快活嘅上流貴族生活，卻估唔到原來領主嘅工作，竟然比打仗麻煩得多！佢唔單止每日要處理大量嘅文書工作，仲要履行貴族嘅工作，包括經營領地嘅規劃、工農商業嘅發展、招兵買馬建立領地軍團等，仲要處理埋財政。而作為一地之主嘅Sieg，仲要面對唔同勢力兼暗藏各種野心黨派嘅邀請、解決王位繼承糾紛等嘅責任。如此忙碌嘅工作一個人點做得晒呢？好彩佢得到一眾美女相助，包括成為Sieg妻子嘅沒落貴族千金、因失職而被迫退團嘅女騎士、評價極差嘅高級妓女等，雖然佢哋個個看似靠唔住，但為咗有效地經營領地，Sieg惟有以床上功夫將一眾美女征服，令對方甘心為佢打工……唔係，係幫手經營遼闊嘅領地至真。