日本演藝界有好多成員眾多嘅美少女團體，最出名嘅當然係AKB48啦，而乃木坂46、SKE48、HKT48等相信大家都唔會感到陌生。呢類美少女團體不乏青春貌美嘅成員於舞台上又唱又跳，每每都能夠令大家得到豐富娛樂以及目不暇給嘅視覺享受，之不過成員動輒數十人，再加上替換頻密，一時之間要大家講出成員嘅名字認真有難度，亦因為咁，一向眉精眼企嘅AV迷都走漏眼，後來才發現偶像團體KNU前成員下海拍AV。話說早前有AV迷發現AV廠MAXING嘅專屬女優望月萌奈，除咗一副F Cup身材似曾相識之外，個樣亦同KNU前成員遠藤優利非常相似，於是AV迷着手進行考證，發現遠藤優利同望月萌奈嘅頸部同樣有粒黑痣，最後確認兩者為同一人！之不過，即使搵到望月萌奈擁有偶像團體資歷都係徒然，因為阿妹拍咗兩部作品就消失，大家如果想欣賞呢位偶像妹妹嘅AV演出，就要從佢僅僅兩部AV作品入手喇。