當大家以為呢個世界嘅美魔女，可以美到某個程度時，卻估唔到日本竟然有位美魔女唔單止個樣Keep得後生，身材仲要好養眼！講到日本，最近有一本以男子美臀作為賣點嘅寫真，絕對超出男士們心理極限。所以話呢個世界千奇百怪，隨時隨地超出大家嘅想像！
根據日本時尚雜誌對美魔女嘅定義，係指「35歲以上仍然才貌兼備的女性，就像女巫般施展魔法使自己看起來年輕美麗」。而講到美魔女，超人氣巨乳網紅叶美香絕對係其中一位，話說佢早前應Nitro+邀請，喺東京舉辦嘅Wonder Festival化身成Nitro+虛擬代言女郎Super Sonico，成為展場中最亮麗嘅焦點。須知道Super Sonico本身身材出眾，一對豪乳睇頭十足，而擁有39H巨乳嘅叶美香，論身材絕對勝任扮演Super Sonico嘅任務。不過Super Sonico係一位美少女，點解會搵年屆49歲嘅叶美香嚟扮演呢？理由好簡單，就係佢曾經喺Twitter上分享過扮演Super Sonico嘅自拍照，而且獲得網民一致激讚，因此Nitro+決定邀請佢演出。不過唔知係咪為咗遷就展場尺度，今次叶美香穿着得略為保守，並未盡情釋放一對H奶，不過話時話，接近50歲高齡仍能保持呢副波哋，名副其實係美魔女。
當大家見到「癡漢被害VR」呢個名，係咪以為一個以癡漢為主題嘅十八禁虛擬實境遊戲呢？雖然佢係以癡漢作為主題，但據VR開發商表示，目的係為咗抑止癡漢行為而設。據日本電腦技術開發商VR Imaginators嘅項目開發代表金春根解釋，「癡漢被害VR」正式名稱係「事件再現VTR Maker」，VR使用者可於片中扮演「被癡漢騷擾嘅女高中生」、「癡漢鬍鬚男」或「癡漢行為嘅目擊者」，而環境則模擬電車車廂，使用者戴上VR眼罩後，其動作亦會喺VR眼罩中反映出嚟。此外，使用者身上會穿戴動作感應裝置，目的係為咗讓施害者與被害者都能從影像中獲得真實嘅感覺，至於目擊者則可以選擇袖手旁觀，或上前阻止癡漢行為。金春根表示希望透過唔同嘅角色扮演及身體接觸，了解癡漢行為所帶嚟嘅不快及唔受尊重嘅感覺，從而達到抑制犯罪嘅作用。唔少體驗過後嘅男士表示，過程中嘅感覺相當真實，同時令佢哋感受到身體被觸摸時所帶嚟嘅厭惡感。金春根指呢套器材亦有待改進嘅地方，好似VR動作嘅實時捕捉速度及影像真實度等，希望改良之後可以盡快推出市場。
「美股寫真」對於股民嚟講別有一番吸引力，但係呢本寫真集《Licht》未必個個股民都啱睇，皆因當中嘅美股模特兒係一個男人！佢名叫涼屋，係著名網紅，喺日本腐女界有極高嘅人氣，佢經常分享各種極限級嘅個人自拍照，而當中最受歡迎嘅係「火辣美股」。雖然打住涼屋首本寫真集之名，但其實佢喺去年已經推出過兩本同名攝影集《妄想Pose集》，不但展現出佢誘人嘅臀部，同時又以多種造型擺出各種迷人甫士。不過今次寫真集嘅主題更加直接，以「要做出一本好似偷睇男人自娛嘅書」為目的，書中不乏大膽而又邪念十足嘅照片，對於腐女或對男士美體有好奇心嘅人嚟講，相信會有相當嘅吸引力。究竟涼屋喺日本有幾紅呢？佢唔單止有推出以個人「美體」嘅商品，例如以自己美股設計而成嘅鎖匙扣、背影T恤等，而早前佢喺東京銀座舉辦名為「行方不明」嘅妄想寫真展。不過老土啲都要講句，口味呢啲嘢個個人都唔同，啱睇咪睇囉！
撰文：魂