每年8月都係日本傳統節日夏祭嘅日子，對男士嚟講最迷人之處，莫過於街上穿着浴衣嘅女士啦！唔好話男人心邪，事實上有日本媒體曾做過關於夏季最性感服裝嘅調查，喺水着同浴衣兩個選項中，有7成女性認為浴衣最為性感。既然係咁，男人又點可能唔對浴衣有遐想呢？
我哋知浴衣（ゆかた）係夏祭嘅標誌性服裝，只係佢嘅由來大家又知唔知呢？咁就要從平安時代（794年至1192年）開始講起。當時日本貴族流行蒸氣浴，若然裸體兼男女混浴，你眼望我眼不知幾咁尷尬，於是出現一種名為「湯帷子」（ゆかたびら）嘅麻製白色浴衣，而從浴衣嘅日文「ゆかた」中可以見到，其實佢係「ゆかたびら」嘅簡稱，正好道出兩者關係。
及至安土桃山時代（1573年至1603年），日本以浸浴為主流，百姓更流行到「錢湯」，即公共浴場沖涼。雖然當時興裸浴，但由於「湯帷子」具有吸收沐浴後留喺皮膚上水分嘅特性，因此「湯帷子」就變成平民沖涼後嘅衣着。另一方面，因為呢種穿着方法有別「湯帷子」嘅原意，所以民間漸漸稱為「浴衣」。
明治中期（1889年至1904年），經過多番改良嘅浴衣不但成為家居服，因為款式得體，亦成為外出服，從而引伸出夏祭嘅浴衣文化。不過大家要留意，浴衣不分男女老幼，都係左上右下交疊，如果右上左下交疊嘅話就真係大吉利是，皆因咁係往生者嘅着法，千祈唔好搞錯呀！
想感受日本嘅浴衣文化，去參加夏祭就得，但係對浴衣多一分邪念，多一分妄想嘅男士嚟講，就要試吓喺日本風俗界享譽載道嘅風俗玩法「浴衣癡漢」。位於日本大阪難波風俗店「妄想難波校」嘅浴衣玩法，喺去年夏祭期間限定推出時，獲得日本玩家激讚不已。其實佢嘅玩法好簡單，玩家入店前先同風俗店預約「浴衣癡漢」服務，當玩家去到風俗店指定嘅酒店房後，風俗孃就會自動上門，當玩家沖完涼後，風俗孃已換好浴衣坐喺床上，而呢個時候玩家可以開始各種癡漢活動，即係鹹濕行為。看似玩法冇乜特別，而且收費唔算平，120分鐘盛惠33,000日圓（約2,310港元），之但係浴衣癡漢玩法僅此一家，加上期間限定，因而大受歡迎，而風俗店今年亦繼續推出呢項限定服務，想玩嘅話，就快啲預約喇！
浴衣美人唔一定係美少女嘅專利，熟女同樣迷人。如果同意呢種講法嘅話，呢本寫真集絕對可以滿足到大家嘅口味。呢本由出版社Next Group推出嘅寫真集《汗濕浴衣危險夏季》，就正正係因為咁嘅緣故而推出。呢本寫真嘅意淫味道唔可以話唔重，事關從寫真封面嘅副題上，可以睇得出書中嘅模特兒唔單止係熟女加浴衣咁簡單，仲要打住人妻嘅旗號。書中嘅4位素人熟女穿上各種款式浴衣配合火辣身材，合共擺出超過60個令人血脈沸騰嘅邪念甫士，令人眼睛大吃冰淇淋，喺炎炎夏日最消暑不過。咪住！又話係汗濕嘅，點解佢哋咁乾o架？據出版社解釋，係指讀者會睇到流晒汗，搞到汗濕咁解！
日本有唔少女性認為浴衣性感，作為性感代表嘅AV女優，又點可以唔展示當中嘅美感呢？不過大家唔好亂諗，皆因女優呢次唔係着浴衣演出AV，而係着住浴衣同大家一齊散步，佢就係人氣AV女優花蕾。話說自去年開始，花蕾同日本成人新聞媒體Dxbeppin-R合作，推出名為《與花蕾散步R》（つぼみたんとお散步たんR）系列，而喺去年8月時，喜歡浴衣嘅花蕾更穿上心愛浴衣，讓粉絲透過佢嘅散步片段，用眼睛同佢一齊去散步，並參加東京新橋舉辦嘅夏祭。呢個系列拍攝至今，不但每個月都有新片推出，內容亦變得相當多元化，唔單止散步咁簡單，仲有買餸、煮飯同做運動等。
撰文：魂