戰鬥加戀愛係日本漫畫嘅不死題材，事關兩種元素都可以擊中一眾宅男嘅死穴，如果再加上萌得嚟又有身材嘅美少女角色，真係想冇人睇都幾難。好似喺2011年3月19日開始連載至今，並曾於2014年嘅年度日本輕小說銷量榜排行第13名嘅《約會大作戰》正係其一。故事講述想阻止嚟自異世界，擁有破壞世界力量嘅女精靈毀滅世界，方法只得兩個，一係同佢哋約會，一係將佢哋打敗。劇情係咪重點見仁見智，只係一眾女精靈個個萌度十足又有波哋，好似八舞夕弦就係其中之一。雖然佢身材矮小，但卻擁有極出眾嘅身材，尤其係一對巨乳非常養眼，配合一身露出度極高嘅戰衣，引死人！