指尖陀螺點玩先至最治愈呢？當你睇過一位日本寫真女優示範之後，不但壓力全消，仲非常養眼！宅男嘅夢想有好多，其中一個係希望每朝早同美少女嚟個Morning Kiss，日本有網民就設計咗一個特別鬧鐘圓夢。繼童貞必殺服後，最近出現一種殺傷力更強嘅服裝，名叫「童貞瞬殺服」，究竟佢有幾強呢？
指尖陀螺係用嚟減壓嘅玩具，不過大家睇到呢位女優咁樣玩指尖陀螺，感覺唔單止好治愈，仲好養眼添！佢就係天木純，最初以偶像女團「仮面女子」成員身份出道，擁有37I上圍嘅佢，先後推出過多本寫真集，並獲得「奇迹的二次元Body」稱號。離團後，佢經常喺IG分享自拍美乳照，憑住「奶上放手機」嘅相片而爆紅。早前，天木純又有新動作，就係分享玩指尖陀螺嘅自拍短片，當然佢唔係放喺手指上玩咁簡單，而係將佢放喺I奶上面，再用小嘴吹動陀螺，等佢喺奶上轉動。呢種咁刺激眼球嘅演出，即時引嚟網民哄動，不但稱呢種玩法只係天木純限定，甚至有人認為佢胸上嘅指尖陀螺應該改名做「咪咪陀螺」添！唔知係咪因為反應相當熱烈，近日純妺再次喺IG表演「咪咪陀螺」嘅絕技，網民反應仍然激烈，梗係啦，阿妹樣子甜美，又有Big爆嘅心口，就算表演幾多次都百看不厭！
日本有個網民設計出名為「一個美少女吻醒我的鬧鐘」，等自己每朝早都能夠享受到如此美妙嘅一刻。至於呢個鬧鐘係點做成嘅呢？首先要準備一個鬧鐘、電線、長膠管、積木數件、電動摩打、黑色垃圾袋及塑膠人頭一個，將鬧鐘拆開並連接電線，另一邊將黑色垃圾袋剪成一條條，再將佢黐喺塑膠人頭上做頭髮，跟住將塑膠人頭接上長膠管，然後將上述兩個部分跟已裝有電動摩打嘅積木平台連接好，便大功告成。呢位網民表示，如果想令塑膠人頭睇起嚟更動人，可以幫佢化番個靚妝。不過，呢個鬧鐘係咪真係可以畀到男人美妙嘅早上呢？只見呢位網民上載一張從自己角度仰望塑膠人頭時嘅相片，相信每個人都會被個「鬼樣」嚇親。此外，鬧鐘響起時，塑膠人頭會不斷咁同你Kiss、Kiss、Kiss，情況好似啄木鳥係咁啄，結果唔單止覺得痛，仲一啲都唔爽添！有網民見到呢個發明時，便提議若然用超像真嘅情趣公仔，效果會好好多！唔知大家有冇興趣整番個鬧鐘試吓呢？
相信大家都知道乜嘢叫做「童貞必殺服」，最近日本出現一種比佢殺傷力更強嘅服裝，就係「童貞瞬殺服」！話說早前日本寫真女優宮本彩希喺Twitter分享一輯身穿黑色連身長裙嘅寫真，呢條長裙設計超性感，正面嚟個大面積透視，從裙領一直透到落裙腳，唔單止露出波邊及事業線，由肚臍至大髀再到膝頭都睇得一清二楚，視覺上真係極具殺傷力。唔單止咁，從背面睇嘅話，不但透盡玉背，美股更幾乎展現喺大家眼前，如此性感嘅連身裙，難怪被日本網民冠以「瞬殺」之名。當然好似宮本彩希咁，擁有33E、23、34嘅魔鬼級三圍，加上索到啪啪嘅樣子，無論着乜嘢衫，都會瞬間變成「童貞瞬殺服」啦！唔信嘅話，大家可以去佢嘅Twitter睇吓，早前佢上載咗一輯女僕服寫真，厘士上衣不但若穩若現，加埋條厘士丁字褲，以及巨乳側漏嘅效果，叫人點可以唔心跳加速呢？
撰文：魂